Caan Saunawn A Tlaumi Pu Peng Hu Dam tein Inn a Hlam

A Tlaumi Pu Peng Hu Dam tein Inn a Hlam
———
May 31 in a tlaumi Kalay peng, Hmandaw khuami Pu Peng Hu (kum 40) cu nihin ah amah tein inn a rak hlam, tiah chungkhar sin in thawng kan theih. Naihniam pakhat nih, “Nihin ah kan khua in Furlong 2 hrawng a hlatnak ah kan khuami nih an hmuh. Amah tein inn lei a rak tlun lio ah an hmuhmi a si.

Caankarlak a tlau chung ah mi Lo zong ah a phan i Kawl pawl nih tirawl zong an rak pek,” tiah a chim. Pu Peng Hu hi fa pahnih a ngeimi a si i, thluak lei damlonak a ngeimi a si. Chungkhar sin ah him tein a phan cang. The Chin Journal

Thawngpang dang : KIA Theu theu : Ralkap Sual General A Thi , A Taksa Zong A Thekdarh Dih (Min Aung Hlaing Thihtluk ah Ka Ruah)

Ralkap an thih hi kan caah thawngpangtha a silo tiah achim mi an tampi.Zeica tiah thihnak cu mizei ca hmanh ah a fakmi a si caah zumtu mi hna nit in cuanh zong ah ralkap an thih hi kan caah thawngpangtha a si hrim lo tiah a aupi mi zong tampi an um. Asinain khatlei kam in cuanh ah cun thawngpangtha a siko tiah chim khawh asi ve.

Zeica tiah kan ral a simi le kanmah a kan that tu ding a simi le a kan that cuahmahmi cu an thihlo ah cun kanmah kan thih can aphan lai i kan thah hnalo ah cun anmah nih an kan thah lai a fiangtuk cangmi a si.A kan thah ding a fian ko caah kanmah tu nih kan thah hmasa hna cu a herh bakmi a si ve.

Cucaah kawlram chung hmunkip ummi(ralkap uknak a do tu)nih sikhawh tawk cio in ralkap cu raldoih cio a si.Nizan naite June 8. Kachin,Banmaw kawng ralkap Convoy motor aizul mi cu KIA nih an rak bawh hna i an thuat hna. Culak ah ai tel vemi ralkap mibawk lak i a sualkhun mi le mipi thihnak khualawng akhang tawntu ralkap sual General cu an thah i a taksa zong a darhdih tiah theih a si.

Misual , ralkap sual le mipi thihnak lawng khua a khangtu le a kuttang ralkap pawl sin ah mipi thahnak ding ah idea a hmang i thluak le ruahnak a ngeihmi vialte cu sualnak ngeilo mipi thahnak caah a hmang dihtu a van thih cu a pamhmai lo ngai ngai ko.Zeica tiah mipi cung ah zangfahnak le dawtnak pakhat hmanh cupei a ngeih velo cu.

Be the first to comment

Leave a Reply

Your email address will not be published.


*