CDF-Hakha in kan paraltha Salai Van Biak Ling ca ah Hakha G-Z nih an ngeihchiatnak an langhter

Hakha G-Z hna nih Salai Van Biak Ling upat peknak le an ngaihchiatnak an langhter. CDF-Hakha in kan paraltha Salai Van Biak Ling ca ah Hakha G-Z nih ngaihchiatnak kan langhter than. “Dawtnak lak i a ngan bik cu nunnak pek hi a si,” ti cawnpiak kan si bantuk in ram le miphun ca ah na nun na hloh mi kan philh lai lo. The Hakha Times

thawngdang : Lung A Fak Ko : Mindat mipi emergency i dornak ding ralzaam camp rianrang in a herh

Mindat mipi emergency i dornak ding ralzaam camp rianrang in a herh. Mindat caah emergency i dornak ding ralzaam umnak hmun rianrang in tuah a herh cang tiah Mindat khuapi mipi uknak phu thawngthanhnak lei tuanvo ngeitu pakhat nih a tanglei bantukin a chim.

“Khuapi chung um mi za ah sawmkua cu ramtang ah humhimnak zeihmanh ngei lo in an zaam cang. Khuapi ah a taap mi cheukhat cu khualeng an chuah khawh lo nak dingah ralhrangbu nih lam an phih piak dih cang. Cheukhat cu buar pah in a si khawhnak lam in a zaam mi zong an um”.

“Ralhrangbu nih thazaang tampi hmangin a doh caah mupi zawnruah in Mindat-CDF nih an hrial taak cang hna hnu zongah ralhrangbu nih mipi an hmuh mi poh an kah, an velh, inn le lo zong an hrawh piak thluahmah rih ko” tiah a ti.

Mindat khuapi chung cu ralhrangbu nih an lut i an inn chungah a um mi thuam an lak, tarnu tarpa hna lawng a um mi inn hna cu an luhhnawh i thil man sung, motor cycle tibantuk thilri duhmi poh a kan lak piak tiah an chim.

Inn cheukhat cu meithal a hme, a ngan he an kah hramhram mi zong a um tiah theih a si. A tu Mindat dirhmun zoh ah UN nih rianrang in a kan tuaktan piak lo ahcun tuhnu Ni 3-4 hrawng ahcun ralhrang kut in a thi mi thih, ei din ngei lo le zawtfah ruangah harsatnak tampi kan tong te lai tiah mipi uk tu phu tuanvo ngeitu pakhat nih a chim.

May 12-15 Mindat- CDF le ralhrangbu i kah ruangah ralzaam hi 3000 in 5000 kar an phan cang, a zaam mi milu hi ni fatin an um peng rih. A tu ah ralzaam pawl hi i kilhkamhnaj ding pakhat hmanh an ngei lo, an hnipuan te lawng in an um, ei le din zong an har ngai tiah theih a si.

Mindat uktu bu chungtel pakhat nih a chim ningah “ralzaam hna bawmh dingah pehtlaihnak hna an um pah ko nain a tu dirhmun ahcun bawmhnak zong mipi sinah phanh ding a har ngai lai” tiah theih a si. Than Lwin Khet News

Be the first to comment

Leave a Reply

Your email address will not be published.


*