CDF-Hakha in nunnak petu hna ruak an laak lio, an vuicolh hna lai

CDF-Hakha in nunnak petu hna ruak an laak lio, an vuicolh hna lai
==============================
June 5 zaanlei 4:30pm tluk, Hakha Khuathar ah bomb puahnak in nunnak petu hna ruak cu sii-inn ah an laak lio, Carson Baptist Church ah pumhnak service an hmang lai i thlaan ah an vuicolh hna lai, tiah kan theih.
“An ruak hi SAC ralkap nih la ko u, an ti ca ah atu (11:00 am hrawng) hi an va laak hna lio. Carson Baptist Church ah pumhnak service tawite hman a si lai i nunnak petu hna an inn cio ah an ruak kalpi a si ti lai lo.

Pumhnak service a dih in No.1 thlaan ah kalpi in vuicolh an si ko lai,” tiah khua upa pakhat nih The Hakha Times ah a chim. CDF-Hakha in nunnak petu hna cu; Salai Lai Kulh Thang, Salai Phun Sang le Salai Tial Chawn hna an si. An ruak hi inn phanhpi ti loin Biakinn pumhnak a dih lecangka thlaan ah vuicolh an si lai, tiah kan theih. The Hakha Times

thawngpang dang : Pu Trump Nih White House Inn Chungah Ka Thu Than Lai

Pu.Trump cu a ra lai mi 2024 US rampi ithimnak ah i tel t’han dingin timhtuahnak a nei cuahmah ti cu theih dih cio a si.US rampi ithimnak 2024 cuan in nizan ah Facebook Oversight Committee hna nih Pu Trump cu hmaitonh biaruahnak an neih pi.FB nih Pu Trump cu Jan 7 in 2023 January tiang khi cawlcang kholo dingin an hrem.cu pin ah a herh a si ah cun a cawlcangh ning zoh in a nun chung FB tong khoti lo dingin kham a si kho tiah FB nih cun an rak chim.

Aluancia May thla chungah khan Donald Trump nih a mah fans pawl hna he biatak tein rian an t’uan khawh nak ding caah rian rang in “From the Desk of Donald J. Trump’ website” cu an ser na in rawhpiak t’han a si tiah senior advisor Miller nih cun thanhnak a tuah.cu thil a ton mi le FB t’uanvo neitu hna karlak thil umtu ning kongah mah tin Trump nih hmaitonh in a leh hna.

A rauh hlan ah White House inn chungah ka t’hu t’han lai i,cu tik ah FB neitu a si mi Pu.Mark Elliot Zuckerberg cu rawlhrawn ka kawh te lai.ningcang lo thil um tu ning kha fianternak ka tuah te lai tiah a chim.Trump nih cu tibantuk bia a chim mi cu ‘Save America’ PAC ah email hmang in Trump nih White House ah ka t’hut hnu cu a ran nak in Pu.Zuckerberg cu a Nupi tel lo in rawlhrawm ka sawm lai tiah mipi theih in thanhnak an tuah piak.

Cun, Pu Tump nih Facebook Oversight Committee hna sin ah a chim t’han mi cu White House ka t’hut bak in Pu.Zuckerberg cu a Nupi tel lo in a mah pumpak theng tein request ka tuah lai i,business bantuk in pehtlaihnak felfai tein kan tuah pi lai.cucu US ram le mipi hna caah a si lai tiah a chim.hi ruangah US mipi Trump dir kamhtu vialte hna nih cun Trump a kir t’han lai i teinak a hmu hrimhrim lai tiah social media chung kip ah an phozar cuahmah.

Be the first to comment

Leave a Reply

Your email address will not be published.


*