CDF-Hakha le SAC Ralhrang Ni 2 Chung Kahdohnak ah Ralhrang 7 an Thi

CDF-Hakha le SAC Ralhrang Ni 2 Chung Kahdohnak ah Ralhrang 7 an Thi
———
May 18, 19 ah CDF-Hakha le SAC Ralhrang karlak kahdohnak voi 4 a chuak i ralhrang 7 an thih pin ah a tlawm bik 19 hliamhma an pu, tiah CDF nih an langhter. May 18, zanlei sml. 4-5 karlak ah Hakha-Thantlang lam cung i security checkpoint (Hakha University pawng) ah kahdohnak a chuak i ralhrang a tlawm bik 2 hliam an pu.

Cun, Hakhathar lamton (၆-လမ်းဆုံး) ‌kahohnak ah ralhrang 4 an thi i, 9 hrawng hliam an pu. Hakha-Gangaw lam kahdohnak zong ah ralhrang lei in a tlawm bik 3 hliamhma an pu hna. May 19 zinglei sml. 5-6 karlak ah SAC ralhrang milu 70 hrawng Hakha-Matupi lam lei ah an kal i CDF-Hakha nih an kah hna. Ralhrang 3 an thi i a tlawm bik 5 hliamhma an pu, tiah CDF nih an langhter.

SAC ralhrang nih CDF-Hakha chungtel pawl i motorcycle 30 leng mei in an kanghpiak hna. Kalay lei in SAC ralhrang nih thazaang an chap caah kahdohnak a fak chin kho, tiah CDF nih thawngthanhnak ah an langhter. The Chin Journal

thawngpang dang : thawngdang :#BreakingNews: Loklung Khuami Ramlak ah an Zaam Dih Hna
———-
Nihin zinglei ah Hakha peng, Loklung khua ah SAC ralhrang pawl an rak phak caah Loklung khuami an zapi in ramlak ah an zaam dih hna, tiah thawng kan theih.Khuachung ah ngandamlo chungkhar pahnih lawng an taang i SAC ralhrang nih inn pakhat zong an khangh tiah pastor pakhat nih a chimh.

Loklung pastor pakhat nih, “Atu hi ramlak ah kan zaam dih hna. Khua ah cun a zaam kho lomi midamlo chungkhar pahnih lawng an taang. SAC ralhrang nih inn pakhat le motorcycle pakhat zong an khangh. Inn pakhat an bauh i innchung ah rawl an i chuan,” tiah The Chin Journal ah a a chim.

Nihin May 19 chuak SAC thawngzamhnak Myanmar Alin nih, “May 17 ah hriamtlai bu pakhat nih Lai meithal pawl in Hakha palik checkpoint an rak kah i Loklung khua lei ah an zaam hna,” tiah a ttial. Loklung hi Hakha he meng 12 a hlatnak ah a ummi a si i, milu 1,000 hrawng an umnak khua a si. The Chin Journal

Be the first to comment

Leave a Reply

Your email address will not be published.


*