CDF-Mindat le Ralkap Do Aw Sal,Ralkap Lam Thi An Tam (+Laiholh Video)

Nizaan tihni kan ram chungah thil cang mi, Laiholh tein thawngthanhnak tuah lengmang a si. Media dangdang nih an thlah cang ko nain mah hi cu Laiholh Video tein thawngphuan mi a si caah, a ngeih zong a nuam i a tlamzong a tling piin lung a hmui khun. A ngairih lo mi zong kan um lai caah van zoh ne hna usih. “3.June( Thuthang ): CDF-Mindat le Ralkap Do Aw Sal,Ralkap Lam Thi An Tam..Chin Ram Thuthang a Tam…”

A tanglei ah A Video kan van thil…

Thawngpang dang relchap : A caan pakhat a phanh in NUG nih raalthawh sawmnak a thanh lai
==========================================
A caan pakhat a phanh tik ah Ralkap Council doh ding in raalthawh sawmnak kan thanh te lai tiah NUG nih a tuah mi June 4 zaanlei online thawngfianhnak ah Runvennak lei Minister Changtu Daw Khin Ma Ma Myo nih a chim.
“Cu caan a phanh tikah ram pumpi in kan thawh a herh. Ralkap sal sinak in luat nakding ah kan i zuam cio a herh,” tiah a chim.

Ralkap Council doh tik ah tlang cung hriamtlai phu hna he i bawm in kan dohti lai ti zong a chim. NUG Cozah nih online in thawngfianhnak a tuah lio zaanlei suimilaam 5:00 in 6:00 karlak cu Myanmar ram hmun tampi ah Ralkap Council nih internet line a phih. The Hakha Post

Thawngpang dang relchap : AA General Twan Mrat Naing Nyo Twan Awng Nih A Chim Mi Hi Rak Ngai Ve Hrim Hrim A Mak Kho Tuk

AA nih Kawl ralkap kan doh ngam lo maw ti nak in nanmah Kawl pawl nih 2008 phung hram pi nan hrawh ngam lo mi kha a buaithlak deuh. Ok! Nan mah kawl tam deuh mi nih thithruai mi NLD faei CRPH nih 2008 danhrampi hrawh ding le mei khangh ding kong a thanh. A si nain NLD i faei CRPH nih NUG a dirh tik ah 2008 damhrampi chung i U Than Sui thutdan Rampi ruahnak petu upa sinak, Siangpahtang Bawi cin le phunglam cu Daw Suh Kyi nan pek than hoi. Biatak te in CRPH’ NUG cu a chim mi ai dang, a tuah mi a dang. Ai linglet.

2008 phunglam hrampi kan hlonh cang nan ti ko nain zeiruang ah dah mipi nih an rinhchan mi Daw Suh Kyi le Dr. Sasa te pawl hi President nan tuan ter hna lo? Zeiruang ah dah U Win Myint thotho hi nan tuan ter. Kan thei ko tung ! Ramhrin miphun pawl le Kapia pawl nih President tuan a ngah lo mi, 2008 phunglam hrampi kha nan fiang tuk ko hi teh. Daw Suh a tar cang, Daw Suh lo cu a dang President tuantu ding a tlingtu ding kawlmi nan um ti lo ruang ah a si lo maw Than Sui i Siangpahrang thutdan cu Daw Suh nan pek hrim.

NLD party chung hman ah President U Win Myint nak in phunghram a thei deuh mi an tam tuk ko nain kawl pawl long bak nih tuan hna seh ti nan duh ruang ah phunglam buartu U Win Mhint cu President nan tuan ter thotho. Cu ruang ah CRPH/ NUG cu vaalei cung ram kip nih an in zumh hna lo bantuk in Rakhine miphun zong nih kan in zum hna loh.

NLD acozah ah ramdang pasal le kahpia fa a neitu Daw Suh Kyi le ramhrinhnam a simi Dr. SaSa te pawl hi nan pe duh hna loh. A si nain 2008 danhrampi i Bung 3 cang 69 nak ta bantuk cun, election can ah President siseh,Vice President siseh a sinak pi he Party cawlcangh nak ah zei hmanh tuah a ngah loh. Culio ah cun, President U Win Myint cu Party tlangtar pi he Party Siizungzii a rak tuah thluahmah. Cu ruang ah cun phunglam a rak buar cang tu U Win myint cu President tuan ter ti ding a si loh.

MAH hi sung hmanh seh law nanmah NLD thithruai mi PDF ti i kawhmi Kawl ralkap nih hin kan mah Rakhine pawl nih kan rak doh thotho hna lai ti kha ral ring tein kan in zoh zungzal ko hna ti kha theihter kan rak in duh hna. Cu hrang ah cun a tu ah hin timhtuah nak tha tuk mi kan nei cia cang.

Nan mah nih cun AA nih MAH hi a doh ngam loh nan rak kan ti chap bei rih nanmah kawl pawl tam deuh nih thit hruai mi NLD nih cun a zalen mi Democracy hman mi cu nan duh loh. NLD’CRPH/NUG nih Democracy hman taktak mi hrang ah 2008 phunglam hram pi cu nan hlonh ngam taktak loh. Kawl devision 7, state 7 ti mi zing nan phiat ngam loh. Cu ruang ah cun nanmah Kawl hruaitu pawl i ramkhelnak a lem le a tuh hrokhrawlnak cu kan nih Rakhine pawl nih cun kan in zum kho bak hna loh a si ko.

Be the first to comment

Leave a Reply

Your email address will not be published.


*