Cei Bak Ko Seh : Sianginn Ah Sianghngakchia Bantuk In a hruk i, Bomb a puahtu Pa Cu Tlaih A Tong

Tlawnginn Ah Tlawngta Vekin Tlawng Fawm Hruh Ih Bomb Puahtu An Kai
=====================================
Sagaing ramthen Katha District Htee Chaing khua tlawnginn sungah tlawngta nauhak vekin lutih bomb puahtu cu June 8 sun ah mipi in an kai ngah.

Bomb puak hnuah nupi pakhat cun bomb puahtu rori a si tiah a relmi cu an kaihmi a si ih a hlanah kor dum le bawngbi dum hruh in tlawnginn a hel ciamco hmaisa. Cumi hnuah tlawng fawm a hruh thuah ih bomb puak hnuah tlawnginn in suak hmaisa bik a si tiah a ti. A kor an phelhsak tikah kor dum cu a rak hruh ngai. Kaihmi khal a pha ciamco lo ih mipi in an kaih hnuah ralkap an thleng cih cu ralkap lamin an sakhan ah an hruai.

Tlawnginn ih bomb puahtu tiah an kaihmi sinak cipciar khal phuan a si hrih lo. Ziangruangah bomb a puah, zoin a fial? ziang pawlkom a si timi khal an thei man lo. A hrekin PDF sungtel tla a si ruairi rero kei tiah phanpitu an umlai in hrekkhat cun ralkap dinpitu Byu Saw Htee lam a sisawn ding titu khal an um. Tu ahcun ralkap in an lak zo ruangah a thuhla theih bet a si hrih nawn lo a si. Vapual Auaw

thawngpang dang :

Be the first to comment

Leave a Reply

Your email address will not be published.


*