Chin Chin Pek Thang Nih No Than Kap A Bia Chim Mi,Thong A Theih Dih Hnu Ah, Ca A Ttial Mi

Pu No Than Kap nih Ralkap Dirhmi UEC meeting a kainak thawngpang len hnu ah Chin mipi cu khuaruahhar le arko in kan um hna. Ziah mah tluk in Ralkap nih ram chung mipi a thahnawn lio ah CNLD miphun party lutlai nih zei dah a va tuah ti ah ruah cio a si. Tu lio dirhmun ahcun Myanmar ram chung ah Chin state hi buainak a linsa khun.

Chin mino hna nunnak tampi a liam lio ah ralkap thil tuahmi meeting ah a va kaimi cu khuaruahhar a si ko. Mah thawngpang len hnu ah Chin Chin Pekthang nih a facebook timeline ah “Feeling angry” tlangtar in ” Kan fa le kan nau le THiSEN hman a hul rih lo ee” tiah a tial. Mah catial cu sullam le hmual a ngeih taktak mi a si caah philh awk thami biafang a si lo,

Pu No Than Kap nih SAC Ralhrang UEC Tonnak a Kainak kong a Fianter: Pu No Than Kap nih, “CNLD in chuahnak ca March 31, 2021 ah ka rak ttial cang nain atulio thil sining ruang ah party EC chungtel zapi nih ka ca an hmu dih rih lo caah kei zong nih ka post ve rih lo,” tiah a ttial. “Rian dang kong ah Naypyidaw ka phak liote a si caah hawikom pawl damdam ka vung tlaih pah hna i, UEC ah kan phan nain CNLD aiawh in a si lo,” tiah a ttial chap. A tanglei ca hi Pu No Than Kap nih a ttial mi Falam ca a si,

SIMFIANGNAK “CNLD ihsin keimah bulpak cun March 31, 2021 ah ka cawl zo na’n tulai boruak thawn EC in ka “suahnak ca” an hmukim loih party sungtel vekah in ruat hrih. #Tulai buai thawn party sung thu hi lenglam ah post rero a tha lo ding ti ruat ruangah tuhlan ah ka post lonak a si.” “Tusun ah hnațuan thudang thawn Naypyidaw ka thlen laifang a si ruangah țuanpi rualpi pawl ka va cibai phah in UEC ka thleng nan CNLD aiawh in ka kai mi a si lo.” – Credi5 : NTK

Biachap..Mah bantuk in CNLD lutlai a rak si mi PU No Than Kap nih Party meeting biakhihnak ngai duhlo in amah pumpak in Ralkap nih sermi UEC meting sawmmi ah a kaimi cu Chin mipi nih cohlan khawhlo mi a si. Keimah pumpak in ka hawi le kuttleih ah ka va kalmi a si a ti nain UEC nih thimnak meeting kaimi Party min cazin ah CNLD min an langter fawn tikah Pu No Than Kap nih hin CNLD party min hi ningcang lo in maw a hman hnga ti ruah lo awk a tha lo.

Pu No Than kap nih dinhnak ca a tial ni le thla cu March 31. 2021 ah a si cang a ti. CNLD lei nih dinhnak ca a tial hi 2021 May 21, 9:00 pm hrawng ah facebook messeger in a kan kuat tiah an chim ve tik ah a kalh ngaingai. Chin mipi lungvaibuan in a kan tuah. Hodah lih chim le hodah chin mipi a kan ralchan timi cu pumpak cio nih kan fiang kho ko lai dah tiah ka ka ruah.chintanbo

Be the first to comment

Leave a Reply

Your email address will not be published.


*