Chin Dalaan Nu Kong Thawngthar Update Mi A Um Hih

Zahan thawng kan theihmi cu a poi tak tak. Tu tiang update kan theihmi kan van langhter lai. Cu hlan ah hi nu Mai JJ Nuu konglam kan van langhter ta lai. Mah nu Mai JJ Nuu nih hin Chin Hriamtlai pawl an cawlcangh ning siseh CNF kong vialte a kan that cuahmahmi Kawl Ralkap sin ah thawng a thanh ti a si. Tulio hi Raldohlio le ram buai lio cialngial i thawng a va thanh khi a poi khun dingmi zong a si.

Hi ti hin a kong cu social media kip ah langhter a si.“Hi Kan farnu ,A Facebook ah,Mai JJ Nunu ,ti mi nih cun Chin Hriamtlai pawl an cawlcangh Ning cu,Kan Miphun nih Kan ral a si mi ,Laimi tampi a Kan thattu le,Burma ram mipi tampi a thattu le nawlngeihnak hramhram in a la tu,Ralhraang sinah a chimh phuan lengmang/ a chimh lengmang hna ti a si. A tu hi Mandalay ah a Zam cang ti a si i,Chin Pasaltha pawl nih a rannak in mizei a si zong ah na dawi cawlh i nan fimtawl a hau Ko lo maw?Ram le miphun a him khawhnak ahcun,mah le mah zong Miphun a leirawitu cu Kan i zuahlo a hau Ko cang hih.” tiah pakhat nih cun a langhter.

Cun pakaht nih cun “Mai JJ Nuu hi Falam lei si tiah theih asi.CNF kong vialte Ralhrang sinah thawng apek dih ti si.Tuhi Mandalay ah a zam,a tli ti si” tiah a langhter.

A zei a va si paoh ah hi nu nih hi an chim bantuk Social Media pawl zoh tik ah si dik dawh a si ko. Ahohmanh nih a si lo timi langhter ngammi an um lo. Cun hi nu hi a cheu nih Kan unau Falam lei a si tiah theih a si. A cheu kan unau Falam lei nih hi nu hi Falam zong a si lo, a umnak khua van chim tuah uh tiah a ti tu zong an um pah ve.

Atu tiang Update Kan theih ning;Atu tiang update kan theih ning ah Mandalay ah a tli tiah theih a si. Miphun leirawitu a si lo ahcun amah zong nih fiang tein langhter a tuah te hrimhrim lai. A rung cu Ralhrang nih kan miphun hna an kan thah lio ah kan kong heh tiah a chimtu cu thah ding a si hnga. Atu tiang zei update hmanh a um lo. Thih tih tal zong in amah nih chim phuannak a nei te hrim hrim lai. A si lo ahcun Ralhrang venhimnak tang ah aa dormi zong a si kho ve. Atu tiang update a um rih lo.

Lai nu bak a simi nih mah bantuk miphun leirawi cu lung a fak tuk eee. A hmanthlak pawl hi van zoh tuah hna. Hi bantuk in lai nu hi kan si kho ko maw bator fk. An chim ning a dik tak i miphun le unau caah thil tihnung (sensitive information) a tuah citcet ahcun a rannnak in cawlcanghnak tuah colh a hau. Kan unau hriamtlai bu Kachin, Shan le dang dang pawl khi zoh tuah hna usih. An miphun leirawitu an um ahcun tha tein direct in an chiah colh lengmang tawn.

Kannih laimi hi dawtnak le khrihfa lungput tiah kan i tlaih peng i hihi Ral a doh cuahmahmi caah cun aa kalhmi thil asi. Cucaah kan hruaitu lei nih zei tin dah tuah ding ti mi khua cu an khan te ko lai. A poi tuk. Nang zong vaa ralrin ve. Kan miphun an thih i Ramtang ah ral tih i an zaam cuamah lio ah Ralhrang pawl information a petu na si sual maw. Kan i ralrin tak tak a herh.

thawngpang dang : Nehsawhmi Miphun Sinak in Luatnak Lam
==============================
Kawl rallokap kan doh lioah kan lotaw in Rakhine AA tapung nih Paletwa le Rakhine ram kan Chin mipi pawl khuakhat ah pa pathum a tlawmbik AA lut dingin hramhram in an dawh cuahmah ko hna (Chinworld Media). Cun Paletwa ram kan tlor thing le ruapum vialte an zuar dih hnik cang tiah kan theih. Zeitik tiang dah Chin miphun hi zomhtaih kan ton rih lai? Atulio ah CNF le CDF vialte fonh tikah meithaltlai Chin pasaltha 10,000 (thonghra) leng kan dir cang! Kawl rallokap hmanh kan hun doh taktak ahcun an i muai cawk hme maw.

Minung 200 nawn an lu kan hloh hna taktak cun an condup ko cang hiteh. Aziah AA nih a kan nehsawh ngam rih lai maw? Nemmam! Kawl rallokap lawng si loin anmah zong hi fim kan chimh hna an hau.
A taktak ahcun anmah AA zong hi a luancia kum 10 hrawngah tlangvalno Twan Mrat Naing timi nih a dirhpimi hna si ve ko. Zero veve in anmah zong CNF zong KIA nih hramsih piak veve mi kan si ko. Atu ah meithal tlai 10,000 hrawng lawng an si ve ko. Kan izat thualthal ve ko. Kanmah nakin a thawng tukpi an si hlei lo. Meithal thadeuh cu an nei. Adik. Asinain cucu kan izalh khawh tuk ve ko. Kan izalh cuahmah ve ko.

Hriamtlai 10,000 kan neih ahcun tlangcung hriamtlaiphu 20 lakah a ngan bik 5nak kan si lai tinak a si. Wah-UWSA nih ralkap 20,000 in 30,000 karlak an ngeih. Cuvebantuk in KIA nih 15,000 leng, Shan-RCSS/SSA nih 12,000(+) le AA nih 10,000(+). Adang KNU, TNLA le SSPP/SSA hi 5,000 in 9,000 karlak lawng an si hna. Ralkap 5,000 lawng kan neih hmanh ah Mon-NMSP, Kayah-KSPP, PaO-PNLA, Kokang-MNDAA, Mongla-NDAA tepawl nakin kan ngan deuh rih lai.

Chim duhmi cu kan miphun hi AA siseh Kawl rallokap siseh, mizei miphun le buu hmanh nih nehsawh ngamlo dirhmun kan phanh khawh nakding ah hriamtlai ralkap 5000 in 10,000 karlak kan neih a herh. Mon hriamtlai NMSA le Kayah KNPP hriamtlai khi ralkap 2,000 in 3,000 karlak lawng an nei. Nain Karen-KNU le Shan-RCSS tepawl nih an ramri an deet ngam hna lo (ramri ah an buai pah tawn nain an ngamh taktak hlei ve hna lo). Palaung TNLA ralkap 8,000+ le Shan-RCSS ralkap 12,000+ cu an itthua peng ko i an itei veve lo—an i ttih veve lo.
Kawl rallokap 300,000 nih AA ralkap 10,000 kha a tei taktak hlei lo i a ngamh tuk fawn lo. Nan hmuh ko hiteh. Cucaah ralkap 5000-10000 karlak kan neih ahcun AA chim hlah, Kawl rallokap zong nih an kan ngamh hlei lailo. Cucu ruahdomh chimmi si lo. Thilsining a si.

Myanmar ram ahcun hriamtlai thazang thawngmi poh ttih le upat si ko. Zeidang chim awk um lo. Hihi hmailei zong can saupi a si rih lai. Ralkap 5000 in 10,000 karlak ngeih ahcun miphun upat pek a si— nehsawh ngamlo a si. Cun, ralkap 20,000 leng na ngeih ahcun federal nakin a sang deuhmi na hmuh lai tinak si. Wah (UWSA) khi kan hmuh ko khih. Annih cu federal ee, ralkap doh ee tiah chim le au an hau ti lo. Ralkap 20,000 leng an neih caah a ciasa si ko.

Atulio te hi Chin miphun ram kan hraan lio asi. Hriamnam thazang kan tthawn bik lio can a si. Mino kan ngamh a san bik can a si. Hihi hman thiam ahcun a dih ko. Hi pasal 10,000 renglo meithal tlaimi hi — fek tein buu khat tang(under one command and control) ah kan ifun i meithal thami kan idamh khawh ahcun cuvial cu si ko. Zei politics ee, ramkhel ee chim awk um lo.

Ralkap 10,000 ti tikah “zeitindah kan cawm lai” tiah kan lungrethei hlah seh. Ralkap 5,000 cung neih hnu ahcun mipi sinah fund kawl len hau tuk ti lo i 10,000 cung neih lebang ahcun mah tein itodelh a si cang. Ukmi ram (control territory) ngeih a si i cuka ahcun sipuazi a phunphun tuah a si cang. Acung i ralkap 10,000 cung nei pawl khi mipi sinah fundraising an tuah ti lo. Cho chuah khi a si cang. By: Salai Ceu Bik Thawng

Be the first to comment

Leave a Reply

Your email address will not be published.


*