Chin Ramkulh Hakha Le Falam Um Ralhrangbu Kul Le Ruk Sin Ah Pulrai Hmuh A Si

Hakha le Falam i a ummi ralkap le palek cheukhat sin in COVID-19 zawtnak hmuh.Chin Ramkulh Hakha le Falam khuapi chung ah umhmun khuar in a ummi ralkap le palek cheukhat hna sin ah COVID-19 zawtnak hmuh a si tiah kan theih.

Hakha i ralkap le palek COVID-19 zawtnak hmuh mi hna hi 266 ralkap sakhan in ralkap panga le palek sakhan in palek nu pakhat an si.Cun, Falam i 268 ralkap minung 30 chung ah 15 sin in zawtnak hmuh an si ve tiah Falam CDM Supporters nih a langhter. Hi kong he pehtlai in rian ngeitu hna sin ah pehtlaihnak kan tuah nain kan pehtlaih kho hna lo.

thawngpang dang relchap : Nizan june 24.6.2021 ni cu Kalaymyo mipi kan t’ah ni ah a cang! nidang chim lo tuchun nikhat chung lawngah Kalaymyo khuapi chung Khrihfa mi hna kan i phum tam cem ni a si.tuchun ah Khrihfa bak lawng kan phum mi hna hi minung 23 an si i,cu chungah can tling tein Pathian rian a t’uantu Pastor’s minung pathum 3 an i tel tiah kan theih.mithi mi hna hi ralhrang kut le Covid in a thi mi an si hna.

Nizan Kalaymyo mithi hna hi biaknak dangdang le miphun dang hna a thi mi kan telh hna lo i,kan mah Laimi Khrihfa mi lawng Kalaymyo Christian Thlanmual ah kan phum mi hna kan chim mi an si tiah Kalaymyo Christian Thlanmual lei tawlrel tu Committee Upa pakhat Pu San Thawm Thang nih a chim.

Nizan ah kan phum mi hna mithi ruak hna lak ah hin june 23 ah a thi mi hna zong an itel na in a tam deuh cu tuchun ah a thi mi hna an si.cu hlan ah a tu bantuk in mithi an tam bal lo.tuchun kan ton mithil cu lungfaktuk a si e tiah a chim.

Kalaymyo thlamual ah hin Christian, Catholic, Muslim, Budhish, Hindu le Chinese thlanmual tiin a dang tete in hmunhma tuah le t’hen cheu an si.cu chungah kan mah Khrihfa mi hna nih tuchun kan ton mi banntuk harsat nak hi a tong mi an um lo.Ramsung ramleng um Zumtu vialte hna nan thlacam bawmh kan herh ko tiah a chim.

Be the first to comment

Leave a Reply

Your email address will not be published.


*