Chinmi Chungin Bawlung Chuih Thiam Kan I Ngeih Ve Cang Lawmhpi Cio Hna Usih, Hmaithla Ah Portugal He An Chuih La

Denmark Ram U-16 Ah Thimmi Bawlung Chuihthiam Chin Pa Phun Za Mang
============
Denmark ram ah a ummi Chin pa Phun Za Mang cu rampi huap U-16 ah thim a si ve, tiah theih a si. Hmaithla, June 3, 5 khi Portugal he an chuih lai. Hi bantukin rampi huap, vawleipi huap in chuih dingah Chin mi kan i tel ve cu a sunglawi taktak. Pathian nih Chin miphun a kan cawisan tuk.

Amah kan philh lo i kan i bochan peng ahcun atu nakin ramkhel lei ah siseh, bawlung chuih lei ah siseh, cawnnak lei ah siseh, hlasaknak lei ah siseh, business lei ah siseh a kan cawisan chinchin ko lai. Phun Za Mang lawmhpi cio hna usih! The Chin Post

thawngpang dang : thawngpang dang kan van thil chih “Ka fapa na sinpi maw tiah hal kan duh lo. Dam tein um rak i zuam mu : Dr. Sasa Nu Sin A Fapa Dawt Biacah

Dr. Sasa le a nu chikhat te phone an i chonh nak ah hringtu a nu nih a fapa sin ah hithihin bia a cah taak…zeizong vialte ah tha tein rak i zohkhenh tiah ka fapa chimh kan duh. “Ka fapa vawlei cung na rak sem ka tein harsatnak tampi kan rak tuar. Na chuah ni ah ruah a rak sur, Na nu nih thla kan cawmpiak ka fapa na cungah hin Pathian nih tuah a duh mi hi zeidah a si?

“Ka fapa na hngakchiat lio tein na cungah thil khuaruahhar lawng te ka hmuh. kan ruah lomi thil hi na cungah a tlung peng. Na nu nih ka zumh mi cu ka fapa vawlei cung a chuah chan hi amah ca thatnak lawng tuah ding ah a silo, Ka fapa hi midang caah a herhmi tuah piak tu dingah Pathian nih hin vawlei ah na rak thlah mi a si ko.

“Cu ruangah na lung rak sau ko. Ngaihthiamnak thinlung rak nei ko. Ka fapa na si khawh tawk in mipi caah a tha bik in riantuan ko Pathian nih hlawhtlinnak an pek lai.

“Ka fapa na nu nih hin nan tuah mi Naingaizi kong hi zeihmanh ka thei lo Cozah thar nan dirh mi zong ka theih lo. Sinain kan ram mipi nih kan pek mi mee pawl hi a lak si lo dingin mi tam u nih kan duh mi Democracy cu na riantuan pi hawi pawl he kut i tlai in hlawhtlinnak nan hmuh tiang rak tuan ko uh! Na nu nih kan tuah piak khawh mi cu Pathian sin thlacam lawng hi a si ko ee…ka fapa”. tiah a ti.

Be the first to comment

Leave a Reply

Your email address will not be published.


*