Chinmi Palek Pakhat Nih Duh-ye-hmu Meithal In Kah I A Thi

Chinmi Palek Pakhat Nih Duh-ye-hmu Meithal In Kah I A Thi
————————
Tuchun May 24 ah Sagaing No. 16 Security Police battalion ah Palek pakhat nih Duh-ye-hmu pa cu meithal in voi 20 renglo a kah i a thi. Hi hna pahnih hi tuzing (တန်းစီ) lio in chun tiang an in sik hnuah palek pa nih a kah mi a si. A kap tu pa hi Chin mi a si tiah theih a si.

Thawngpang dang relchap : Mindat Kawl Ralbawi (Major) Cu Mizoram Ah A Zaam Diam Ve Cang

Kawl ralbawi (Major) pakhat cu Yangon in Mindat ah an thial hna. A si nain Min Aung Hliang hruaimi ralhrang taang ah rianttuan le, Mindat mipi he raldoh a duh lo caah a chungkhar dihlak in Mizoram ah a zaam pi hna tiah kan theih.

Hi Ralbawi pa hi Mizoram a phan cang i Aizawl hrambunh Myanmar CDM Supporting Committee zong nih bomhnak an va pek hna i biahalnak zong an va ngeih hna ti asi. Hi kong he pehtlai in Myanmar CDM Supporting Committee ttuanvo ngeitu pakhat nih “Ralkap Major (Kawl) pakhat cu Yangoon in Mindat ah an van thial i, SAC kut tangah rian a tuan duh lo caah, Mizoram ah an chungkhar in an rak phan.

Dam lonak le harsatnak fak ngai an ton caah, Myanmar CDM Supporting Committee nih phaisa bawmhnak a pek. Myanmar CDM Supporting Committee hi midang bawmtu a si khawhnak cu Pathian le hmunkip ummi ulenau vialte nanmah thawngin a si. CYLA nih an kan tuanpinak cungah CYLA cungah kan i lawm” tiah a tarlangh.

Mindat khuapi cu faktuk in an kah, Ralhrang nih heh tiah an nawl hna, a si nain nihin tiang cu CDF zong nih an dir onh peng ve ko hna. Cu Mindat mipi doh ding in Yangon ralbawipa cu Mindat ah an thial nain, Mizoram lei tu ah a zam diam hi asi.

Be the first to comment

Leave a Reply

Your email address will not be published.


*