Chungkhar Tling Tein Khamh Kan Si Nakhnga Thlacam Caan Asi

Chungkhar khamh kan si khawhnak hnga thlacam caan asi.

Rom cakuat 10:1
“Ka u le kanau hna, kaphun hawi mi hi khamh si hna seh ti cu ka lungthin dihlak in ka duh hringhren ko. An caah PATHIAN sinah thla ka cam lengmang.

Ram cauk hi Paul nih Rom Khrihfabu kha tlawn a duh hna i asinain a hngalhmi Khrihfabu an silo ca le annih zong nih amah kha an hngalh ve lo caah ca hi a kuat hmasa hna.

A tlangpi hna
Biahmaaițhi 1.1-7
Minung nih khamhnak a herh 1.18, 3.20
PATHIAN nih khamhnak lam aser 3.21, 4.25

Khrih chungah nunnak thar 5.1, 8.39
PATHIAN timhnak chungah Israel 9.1, 11.36

Khrihfa ziaza 12.1, 15.13
Donghnak le pumpak biacah 15.14, 16.27
Hna hna hi an si.

Atu i kan van zoh dingmi cu Dal 10:1 nak zawn te khi asi.

1. Zei hrang ah dah thla na cam tawn?

#Khrihfa asimi pohpoh hi thla a cam tawn mi kan si. Hawi cha in pumpeek in thla kan cam khawhlo hmanh ah rawl ei lai it lai tibantuk tal ahcun thlacam a hman ve mi kan si. Asi kun ah laimi Khrihfa kan siinak hi kum120 heelham cu asi ve cang va sikaw, thla na cam tikah zeihrang ah dah thla na cam ve tawn timi hi a tu bak ahkhan mah nun van i zoh țhan ding in sawm kan duh.
Voi tampi caan ahcun thla kan cam tikah rumnak ca damnak ca thluachuah hmuhnak ca tibantuk in thla kan cam tawn. Cucu, apalh maw ti ahcun palh halh ee kan hal awk zong asi ko. Asinain, cu vialte nak in abiapi tukmi a um i cucu thlacamnak ah kan talh tawn lo.

#Zei cu dah a biapi mi cu asi!
A biapi bak mi cu kan chungkhar in kan Thlarau khamh asiinak hnga ding ca thlacam hi kan daaithlang ngaingai! Rumnak hal cu kan țhawn ngai, damnak hal zong kan țhawn ngai nain kan thih hnu pin lei tiang hrang asimi kan Thlarau khamhnak ding ca thlacam bal cu kan daaithlang tuk. Atu kan khua caan zoh tikah hnangamnak a um tilo, ram hme te asimi kawlram kong ruah hmanh ah hnabei aseilo ngaingai. Tuni maw? Thaizing maw? Thaikip ah dah? Tiin hnabei in a nung mi kan si tikah hin caan kan neih liao kandam liao kannun liao te ahhin kanthih hnu pinlei tiang a daih dingmi kan chungkhar Thlarau khamh kan siinak hnga ding hi thlacam ciao hna usih!

Paul nih cun mu, ka u le kanau hna ka phun hawi mi hi khamh si hna seh ti cu ka lungthin dihlak in ka duh i, cu khamh an si khawhnak hnga ding ‌caah cun an caah thla ka cam lengmang ee ati!

Nihin boruak ah, ralkaap kut in kan luat khawhnak hnga thla kan cam men ko lai, Covid zawtnak kan cungah a phaak nak hngalo thla kan cam men ko lai, cucu asual mi zong asilo. Asinain, kan thlacam bantuk tein ralkaap kut in hei luat hmanh usih law, asiloah, Covid zawtnak zong in hei luat hmanh usih law, kan Thlarau hell chung ah hei kal sehlaw a sung tuk thotho ko lo maw? Cucaah, nihin bak ah kan herh mi cu kan Thlarau khamhnak hi asi. Cu khamhnak kan chungkhar ciao nih kan co khawhnak ding caah cun lungthin taktak tein zumtu nangmah le keimah thlacam kan herh ko.

Paul nih a phun hawi mi khamh an si khawhnak hnga thla a cam lengmang bantukin nihin ah kan chungkhar tling in khamh kan si khawhnak hnga thlacam hi a biapi tuk mi asi.

Atu chungkhar kn tling liao ah kan chungkhar khamh kan si khawhnak hnga ding caah thlacam caan asi.

Chikhat ca a daih mi sui le ngun le ngandamnak ca lawng ah siloin thih hnu pinlei tiang a daihmi kan Thlarau khamhnak ding caah thlacam caan cu a tuhi asi.

Kan dihlak caah BAWIPA nih kan nun ah rianțuan ter hraam seh!
Amen!

Crd, Judson Bawi Lian

Be the first to comment

Leave a Reply

Your email address will not be published.


*