CNA/F nih Tutan Biakhiahnak A Tuahmi Cung ah A Rak Soiseltu Vialte Zong An Lunghmui Tuk Cang

Ram pi i thlennak ah kuttlai ti in hmailei kal ti dingah CNF nih National unity Coverment Of Myanmar he kal ti dingin bia chahnak an tuahmi nih cun mipi thinlung cu a hip taktak. Tu dirhmun ah cun kan duh zongah duh lo zongah CNF nih ke kar an hlanmi hi a fuh ngai in kan hmuh.

Lairam cozah NUG hi lai ram pumpi huap mipi tam deuh nih tha pekmi an si.Chinmi tam deuh zong nih rampi cozah dik dirhmun in kan zoh chomi an si. Cu hna pawl he rian tuan ti dingin min khenhnak an tuah timi cu a bia zongin siseh hriamnaam kengin mipi he hmai kan nor ti lai timi he ai lo tiah rampi boruak zoh tu min chim duh lomi pakhat nih cun a rak chim.

Amah cu a hlan zongah ram le miphun caah cawlcanghnak tampi a ngei ko lai. A sinain rampi cazoh pakhat a si mi Czech Republic bak nih kawlram cozah dik dirhmun in a pom cangmi NUG he rian tuan ti dingin lungtlinnak an ngeih cu cawlcangh ning level a kai deuh tinak a si. Hi ti biachahnak an ngeihmi nih hin 2021 thimnak i dirh thatmi ralkap bu pawl he thazaang an ngah ngai lai tiah ruah a si.

NUG cozah le Chin ralkap CNF nih cun federal Democracy hram bunhmi rampi dirh kho dingin ke kar ti dingah lungtlinnak minthut an ngeih cangnak kong cu May 29 ah an rak chim. Cu ah cun ralkap uknak dolh kalh dingin le federal Democracy hram bunhmi uknak tling chuah ter dingin May 29 ah CNF le NUG nih lungtlinnak min khenh tinak an ngei tiah theih a si.

Cu ah cun pakhat le pakhay upatnak i theihthiamnak in ralkap uknak cu doh ding cun thleidannak um lo dingin federal Democracy caah lungrual ten kut tlai bu tein hmai nor tti ding cu lawng si loin a dang tampi zong lungrual takin kan tuan ti lai tiah bia chahnak an ngei hna.

thawngpang dang: CNF le Caankarlak Cozah NUG Karlak Hnatlaknak Minsen an Thu Kho
————
Myanmar ram ah Federal Democracy uknak phung ser ding in le rialdip uktu (SAC ralhrang) hmun khatte ah doh tti ding in CNF le NUG karlak ah nihin (May 29) ah hnatlaknak minsen an thu kho, tiah NUG le CNF nih offical in thawng an thanh.

Cu hnatlaknak ah cun NUG le CNF karlak ah pakhat le pakhat i theihpinak le i upatnak a um i, rialdip uktu (SAC Ralrhrang) dohdalnak rian ah le Federal Democracy rampi sersiamnak rian ah kutsih in kan ttuan tti lai timi pawl an i tel.

Cu Hnatlaknak cu CNF lei in Chairman Pu Zing Cung, vice-chairman le secretary pawl nih minsen an thut bang in NUG lei zong in Union Minister Mann Win Khine Tann, Foreign Minister, Home Minister le Defense Minister hna nih minsen an thut ve hna. CNF hi Myanmar ramchung tlangcungmi hriamtlai bu vialte lak ah NUG he a pakhatnak bik hnatlaknak minsen a thumi a si.

Be the first to comment

Leave a Reply

Your email address will not be published.


*