Congratulations! Ben Ben Pathian Bochan Buin Zeithil Poah Tuah Cu Thluachuah Hrampi A Si Ti Hi Na Cawlcangh Le Na Nun In Hmuh Khawh A Si

Benjamin Sum In Youtube Hnen In Silver Button A Dong
===================================
Hlasakthiam Benjamin Sum cu youtube channel ih thluntu ting 1 a neih kim fel zo ruangah ,Youtube hnenin Silver Button a dong fel. YouTube Silver Button cu olsam zawngin kan rel asile sunloihnak capi phunkhat a si ih ,Youtube channel ah Subcriber ting 1 nei kim pawl in an dong theu. Subcriber ting 1 neih veten anmah in mi an pek cih hngal siloin mah in va dil tulmi a si. Sunloihnak capi vek si cingin annih cu Silver ( Ngun ) an hman tel tikah a dongtu hrang a sunglawi in a ropi ngaingai.

Ting 1 Subcriber neih hnuah Million Subcriber nei thei khal laksawng a um bet. Cumi cu kannih Chinmi le mizo lakin ngah thei an um hrih lo. Ting 1 Subcriber nei thei laksawng cu mizo lakah ngah an tam hnuaihni nan, Kannih Chinmi lak ahcun Benjamin Sum cu ngah thei a si hrih.

Myanmar milar dinhmun khal in youtube channel ah ting 1 Subcriber ngah ding cu zuam nasa a tul ve. A san cu Chinmi le Myanmar ram dinhmun in a zir lo tikah Youtube hnakin Facebook ih video zoh kan zuar , kan hrang a olsam sawn. Mizoram lam ahcun Youtube rori an atcilh tikah ting 1 Subcriber ngah an um tam phah.

Benjamin Sum khal a nu’i harhdamnak thu in Mizoram a thlen hnuah ting 1 Subcriber ngah thei a si ih , a hla lakin Chhingmit In Biahthu Kan hlan, Chhailai Di Lenna le Tunah Erawh Zawng tivek pawl khal Mizoram a thlen hnuah zohtu Million leng kim thluh thluh an si. Crd: Vapual Auaw

Be the first to comment

Leave a Reply

Your email address will not be published.


*