Dr. SaSa nih Ram Dang Media Pawl Sinah Fiang Put In A Chim Thluahmah Cang , Thailand Media Sin Ah A Chim Mi Bia

Dr. SaSa hi interview tuah peng hna seh law a tha tuk ko hnga. Tulio kanram sinning le boruak kan tuak tik ah hin, zan zong it kho lo le rawl ei zong chungpil lo in khua kan sa hna. A ho mipi poh nih thinlung rethei in le vansang au in khua kan sak lio ah ramdang media pawl nih Dr. SaSa Interview an tuah mi kan van ngeih tik ah cun, mipi kan zapi te kan thinlung hi a dam tuk hringhran ko e.

Dr. SaSa bantuk hi Myanmar rampi caah hin nihin ni can ah minung pa hnih thum tal van um kho hna sehlaw zeitluk in dah mipi vialte thinlung a dam lai i kan retheih nak zong kan hei philh deuh hnga mu. tutan ah Thailand media nih Interview an tauh nak ah a chim mi bia cu a tang lei ah hin zohti hna u sih, nai lung hmuih tuk ve lai tiah zumhnak tampi ka nei.

Myanmar ram hi kum (70) chung ralhrang ral kap pawl nih an rak uk caah, ram mipi vialte sifak harsa tuk in khua kan rak sa. Cucu mitha lo ralkap pawl nih an rak kan uk ruang ah a si. Sihmanhsehlaw a tu kum(2021) ahcun, Myanmar ram mipi pawl nih lungrual tein ralkap uknak tha lo hi biatak tein kan doh bantuk in rampi nawlneih nak hi mipi nih kan lak klhawh than ah cun, Myanmar ram mipi ca lawng hmanh siloin, Thailand le Asian ram vialte nih phanh khawh loin hmai ah a zuang cang lai timi hi Thailand mipi vialte theihter kan duh hna.

Myanmar rampi in zalong taktak le zalen taktak in a khat lai i,Democracy nih a hluanmu lai i ram mipi vialte nih a hman lo mi in an kan hruaitu ralhrang uk nak tha lo vialte le ralhrang ralkap a dirkamh tu vialte a hman mi thil uknak in rampi hi hruai a si lai caah zei bantuk dirhmun dah an phanh lai timi hi kan zoh te hna lai.ralhrang ralkap uknak duh loin a langh ter mi mipi pawl hi mitha le mi raltha an si. Phunglam loin rampi nawlneih nak a latu ralhrang ralkap pawl le anmah a dirkamh tu vialte cu an tei hremhrim hna lai.

Mi raltha ram mipi pawl he hmunkhat in dirti ko hna u sih. Myanmar rampi hi Pathian nih lam hruai sehlaw thluachuah pe ko seh. Dr. SaSa nih a chim mi bia vialte cu hi ralhrang uk nak tha lo phunglam loin rampi nawlneih nak a latu ralkap pawl hi ram mipi nih rampi nawlneih nak cu kan lak than can a phan cang. Rampi nawlneih nak hi mipi kut ah a phanh bak in Thailand ram le Asean ram vialte nih myanmar ram cu phanh khawh lo le tluk khawh lo ding tiang in a thangcho cang lai.

Be the first to comment

Leave a Reply

Your email address will not be published.


*