Ei Kanu Tih Nung Taktak Si : A Zuatmi A Rulpi (Lim ) Cu Zan ah A Ihpi Tawn i A Hnu ah Cun

Minung hi kanmah nih kan zuatmi inzuat satil pawl hi cu kan pom i kan itnak tiang zong kan i kaipi i kan i itpi theu cio tawn. Chizawh, uite tbk pawl lebang cu an hngakchia lio in kan pom hna i kan itnak cung ah kan i kaipi hna i an upat hnu an hmul a tlak hnu zong ah ihnak cung i kaipi kan duh tilo hna hnu zong ah anmah tein an kai i kan sin ah an it tawn i khamawk zong an tha ti tawn lo .

Mithen khat nih cun uite le zawhte lawng hmanh silo in ramsa tihnung pawl tiang an innchung ah an ni luhpi tawn.Hilak ah a tu kan rak langhter mi hi pakhat a si ve i nu pakhat nih a innchung bak ah rulpi(Lim) a zuat i zan zong ah a sin te ah a itpi theu tawn.Uite le zawhte kan dawt i kan tleihchan hna bantuk bak in hi nu nih hin a rulpi hi a zawt ve i a tleihchan ve caah , midang nih an tih tuk i an thloh len zong ah zeihmanh ah a rel lo i cuticun a rulpi he cun an um ti peng.

A rulpi zong nih hinn zan nan it tik ah a taksa cu a zual dih i lum ngai in an it ti i mitkuh thaw tak in an i hngilh ti tawn i a rulpi zong nih zeiti hmanh in fahnak pek a tim ve bal lo. Cuticun can saupi chung an um ti hnu ah cun nikhat cu a rulpi cu rawl a ei duh bak ti lo i , a hngakchiat tein a zohkhenh mi rulpi nih rawl a ei duh bak ti lo mi cu a khua ruah a har i , niliam deuh sehlaw a ei duh than te ko lai tiah a ruah i cuticun a rulpi cu a zohsawh rih ko.

Asinain ni tampi a liam hnu zong ah a rulpi nih rawl a ei duh bak tilo caah a siarem tilo i a rulpi cu rul kong a theitu sin ah kalpi i va zohter a timh ve cang.Rul lei a thiammi doctor sin ah cun na va kalpi i a sining vialte cu a va chimh dih. Doctor nih cun a rulpi cu a van zohfel tik ah cun , na rulpi hi zan ah na it pi maw ?na itpi can ah hin na taksa hi an zual dih maw tiah a hal. Rul zuatu nu nih cun “aw ka itpi peng i ka taksa hi a ka zual i lum tak in kan it ti zungzal ko “tiah a leh ve .

Doctor nu nih cun a rulpi nih rawl a ei duhlo nak a ruang cu tha tein a fiang cang. Na rulpi hi a zaw lo i fahnak zeih manh a ngei fawn lo.Asinainn a hlan i a thil ei tawnmi nak in a lianngam deuhmi ei ai timh caah tu bantuk in rawl na pek zong ah a ei duhlo nak a si tiah a leh .Rul nih hinn a thil dolh ding hi a hlan kan in zeitluk in dah a lianh i a fat , ka paw chung ah zeitluk in dah hmunhma ka lak a herh timi hi a rak i tuak ta hmasa tawn i a thil dolh ding hi tha tein a hlathlai ta vev ti a si.

Curuang ah cun a ngeitu nu hi zan ah ataksa a zual tawn nak a rak si i a pawchung ah hmun hma lawnter hnu ah dolh dingin na rak in timh hi a rak si .Doctor nu nih cubia a chimh cun a ngeitu nu cu a lau tuk i tihnak in a khat ,a rak dolh manh dengmang cang khi a rak si .Cuhnu ah cun a ngeitu nu nih cun khua a ruat i cansaupi chungn a zuat cang i a rulpi van thah colh ding cu a siang ve fawn lo i pehtlai in zuat cu a timh rih thiamthiam ko.Asinain zan ah a mah sin nah ihter belte cu a rem a ti ve tilo i a ihnak room he ai hlat nak ah a dang tein a umnak a ser piak i a chiah cang.

Rul hi tur a ngeilo mi zong tampi an um ve i tur a ngei lemlo ti men in mah inn ah chiah i itnak te hna ah itpi hi tih a rak nung tuk timi a fianter ngai ngai .Hi bantuk thiamthiam in 2019 kum zong ah khan indiana ah nu pakhat nih a zuatmi rul fate nih cun a ngeitu nu cu a hngawng ah a ngerh i thaw chuah kho tilo in a nunnak a liam ve fawn cang.

Hi nu hi rul a tleihchan tukmi a si i rul 20 hrawng a zuami a si tiah theih a si i a zuatmi a rul bak nih a nunnak alak ko.Culawng siloin 2018 kum zong ah khan “Daniel Brandon” timi pa cu a zuatmi a rulpi nih a zual i a thah ve fawn cang. Hipa zong hi rul kong a thei tuk mi a si i kum 16 chung bak rul a zua cangtu a si nain rul thiam nih a nunnak an lak ko .

Be the first to comment

Leave a Reply

Your email address will not be published.


*