Falam Palik Thonginn in a Luatmi Mino 2 COVID-19 an Ngeih caah Sizung ah an Lanhpi Hna

Falam Palik Thonginn in a Luatmi Mino 2 COVID-19 an Ngeih caah Sizung ah an Lanhpi Hna
———-
Nihin (June 30) ah Falam palik thonginn in mino 2 luatnak an pek hna nain COVID-19 zawtnak an ngeih caah thlopbul ding in sizung lei tu ah an lanhpi hna. A luatmi pahnih hi Salai Kyaw San le Salai Za Lian an si i, February 28, 2021 lamzawhnak ah SAC ralhrang nih an rak tlaihmi hna an si.

Nihin ah Myanmar ram huap in thongtla 2,300 leng SAC nih luatnak pek a timh hna. Hakha zong ah SAC ralhrang uknak duhlo ruang ah tlaih a tongmi minung 80 hrawng an um i, cu chung ah cun minung 40 hrawng hi thlah an timh hna, tiah thawng kan theih. The Chin Journal

thawngpang dang relchap : Chin National Army: Chinram Le Miphun Caah Ngaihchih Nak Ka Ngei Ballo

Kan Chinram le kan Chin miphun caah kaa pekchanh nak hi zeitik hmanh ah ngaihchih nak le i chirnak kan ngei ballo. Kei cu Chinram caah le Chin miphun caah ti-rawl hmanh tha tein ei caan ngeih hlah hmanh ning, zaan ah ihnak caan ngeihlo in ka um caan hi a tamtuk hringhran ko cang, asinain kan inntuar nak vialte hna hi kai uangthlar tuk ko.

Fimnak cataang sangpi a cawngmi hna le Degree sangdang a la mi hna nih Kan Chinram le Chin miphun caah zeihmanh pekchanh duhnak le tuanduh nak an ngeih lo mi nak in cun cataang ngeilo ka si ko zongah rawltam tihal le zaan itlo in Chinram le Chin miphun caah ka inntuar nak hi a sunglawi deuh i a thahnem deuh tuk ko ka ti.

Harsatnak ka ton lio caah ah voikhat tehmanh ka mitthli a tla sual ballo, asinain Chinram le Chin miphun i ahmai lei khuacaan ka hei cuan tikah thinphang in ka um zungzal….. Ka nunnak a umchung vialte le ka thaw ka chuah chung vialte poh hi cu Chinram le Chin miphun caah ka nung zungzal ko lai.

Chin ralkap ka sinak hi Chin miphun le Chinram caah ruahchannak a pe tu si dingin kai zuam zungzal ko lai. Chin National Army Diary.

Be the first to comment

Leave a Reply

Your email address will not be published.


*