Gaza ah hngakchia thla 5 mi cu Inn kar aha thi cia mi a nu kut in a nunnak an chanh

Gaza ah hngakchia thla 5 mi cu Inn kar ah a thi cia mi a nu kut in a nunnak an chanh,19.5.2021 Tu lio kan ram le Israel le Palestine ram buainak zoh ah Kahdohnak a that lo ning le remnak a bia pit ning a lang chin lengmang.

Kan hnu zarh Ningani ah Israel nih Vanlei in Hamas pawl a kah nak ah Gaza i Al-Shati Refugee Camp ah a ummi hna tam ngai an thi. Mah hngakchia thla 5 lawng a si rih, a min Omar a si. Mah zan i kahnak ah a nu cu a thi ve i chanhtu riantuantu pawl nih a thaizing ah Inn a kuai mi kar, a hringtu Nu nih a pawm bu in an hmuh.

A chungkhar hi Muslim Nithiang- Eid al-Fitr hman dingin an kal mi a si i an fale zong Eid thuam an in hruk. Omar hu unau pa4 a ngei i an thi dih tiah theih a si. Hngakchia Omar hi a ke hmun thum ah hma tlawmpal a pu i Al-Shifa siizung ah Sii sayama pawl nih an zohkhenh lio a si. Palestinain Medical Official pawl chimh ningah May 17 tiang Israel kahnak ah a thi mi hi 200 hrong an si, mah chungah hngakchia 59 an tel, Inn 341 leng a rawk tiah theih a si. The Chin Post

Be the first to comment

Leave a Reply

Your email address will not be published.


*