Good News : Dotphungyang I Kahnak Ah Ralhrangbu A Thi Mi An Tam

June 3 zinglei suimilam 10 hrawngah Bhamo lam Namlang khua in Dotphungyang lei a rak kai mi ralhrangbu 150 hrawng cu Dothungyang phak lai Uthangyang khua pawng ah KIA nih an kah hna i ralhrangbu 20 leng an thi tiah theih a si. Hliamhma pu mi zong an um. An thihnak hmun ah an phum hna. Zanlei Suimilam 5 hrawngah an kir tiah khuami pakhat nih a chim.

Nizaan KIA nih an kah hna nak ah meithal tam ngai an lak. Nihin zong hi lam thiamthiam in ralhrangbu 100 hrawng an rak kai than tiah theih a si. Dotphungyang hi Alaw Bum tlang hram ah a um mi a si. Mahka hrawngah ralhrangbu 800 leng an um tiah theih a si. Ref; KNG. The Chin Post

thawngpang dang : Hlasakthiam Manaw, Ngyi Min Naing le Waigyi Cu Rallokap Nih Dirhtharmi Ringawn Phu Riantuan Nak In Anchuak

Hlasakthiam Manaw, Ngyi Min Naing le Waigyi Cu Rallokap Nih Dirhtharmi Ringawn Phu Riantuan Nak In Anchuak. Rallokap nih naite ah Lungtlin nak he dirhtharni kawlram ringawn lei phu ah rian pek ve mi kawlram minthang Manaw, mino tampi nih uar mi Ngyi Min Naing le hlatial thiam minthang Waigyi an min cu an telh chih ve hna tiah theih asi .

Hlasakthiam Manaw cu , rallokap nih dirhtharmi ringawn lei riantuan nak phu ah a min an telh cu nihin zing lawng ah theih asi, theih le cangka in ka tuah kho lai lo tiah nawl nak ca ka tial tiah a chim. “Tuzing lawng ah ka theih, ka theih le cangka tein nawlnak ca ka pek” tiah kawlram hlasak thiam Manaw nih a Facebook ah alanghter .

Hlasakthiam Ngyi Min Naing zong nih ringawnlei an dirhmi phu ah ka tuan kho lai lo tiah a Facebook ah nawlnak ca alanghter ve. Kawlram hlatialthiam min thang Waigyi zong nih cu an dirh mi ah riantuan mi phu ah ka tel lo tiah Facebook ah alanghter.

Rallokap hruainak in dirhmi kawlram ringawn phu (ဗဟို) (ယာယီ) cu hlasakthiam Kaiza (ကိုင္ဇာ) nih chairman tuanvo alak. Rallokap nih dirh mi rian ah cun နာယက ah Bukalay Tinh Awng(ဗိုလ္ကေလးတင့္ေအာင္) hlasakthiam Tin Tin Mya , Hintatah Myint Ngwe (ဟသ္ာတ ျမင့္ေငြ), Tin Oo lay , Myanmar Pyi Thein Tan(ျမန္မာျပည္သိန္းတန္) hna nih tuanvo an lak. #Ayeyarwaddy_Times. The Chin Post

Be the first to comment

Leave a Reply

Your email address will not be published.


*