Good News : Maw Bawipa Kan Lei Ah Na Tang Zungzal Ko KIA Nih Motaw Pahnih An Khangh Than

A thakho tuk e maw Bawipa umpi zungzal ko hna, zeitluk in dah kan chin mipi le kan kawlram mipi nih ralkap kut in an tuar i an nun nak an pek cang zeitluk in dah ngan fah nak an in i nu le va ttang a tthen hna hlei ah pa le fa tiang in a tthen tu hna kawlral kap chungin teinak kan pe ko sawh. Good news kan van theih, Kachin ramkulh, Shwepayawbum peng chung Shweyang le Mengthong karlak ah Myintkyina khuapi le Putao lam meng (108) a hlatnak ah May 19, 2021 ni chun suimilam 2:00 hrawngah vanlawng datsi a phort mi motor 2 cu mei khangh piak an tong than, tiah thawngpang theih a si. Vanlawng datsi a phorh mi motor 2 hi Shweyang le Mengthong karlak cungah mei khangh piak an tong hi a si. Hi kong he pehtlai in a pawngkan um mit hmutu pakhat nih motor mongh pa hliamhma a pu, tiah The 74 Media sin ah a chim.

May 19, 2021 ni chun suimilam 2:00 hrawng ah mei nih motor 2 cu a khangh thluamah ko, a khangh lio caan ah hin a pawng ka phan ve, tiah mit hmutu pakhat nih a chim. A hmai kalmi motor pakhat cu tha tein ka theih kho lo nain a hnu deuh motor cu mei a khangh cuahmah ko, tiah a chim chih. Motor mongh pa cu hliamhma cu a pu ko nain a thi cu a thi lo, tiah a chim.

Vanlawng datsi a phorh mi motor a khangh piak hna hi a voi a tam ngai cang. Myintkyina khuapi lei in Putao khuapi lei ah a kai mi vanlawng datsi phorh motor a si. Kachin ramkulh chungah Ralhrang tapung datsi phort motor pawl hi atu le tu in KIA hriamtlai phu nih an khangh piak peng hna. KIA hriamtlai phu nih Ralhrang tapung pawl an cawlcanghnak le an thazang thawnnak vialte chahpiak dih an timh hna ti khawh a si.

Hi Vanlawng datsi a phorh mi an kah peng nak le mei an khangh piak peng mi hi KIA Sakhaan pawl a himnak caah a tha tukmi raltuk thiamnak phunkhat a si. KIA hriamtlih phu duhtawk in an phomh kho ti hna lo caah lampi raltuk tactic an hmangmi hi an thiam tuk hringhran.

Thawngpang dang : MAH hruaimi ralhrang (ram-ui lubo) rual nih tutan dohnak ah an sungh lo nak dingah a phunphun in thluak (tactics) an chuah lengmang ve. An tactic tamp chungin Pago remthen chung i khua pakhat ah an tuahmi vun langhter ka duh.

Pago ramthen, Kyauk Takha peng, Ci Zu khua ah Peng Council le uktu (ohchohzihmu) hna i bawm in tangka thapnak (lawngkasa) cu phungning tein an on piak hna. Hiti an onnak cu mipi nih ramkhel buainak lei ruat huam hna hlah seh ti an duh caah a si.

Anmah nih cun khua thanchonak caah an ti. A tanglei hmanthlak bantuk khin khuami tampi cu tangka thapnak dawr ah an i dil lulh ko. Zeite an ruat kho ti rua lo. Hi tactic hi an hlawhtlin ahcun hmundang zongah an hman vima lai. Hi nakin a tha deuhmi tactic dang zong an chuah chin lengmang lai. An tactic hi i ralrin thiam a herh taktak.#Khet Thit Media. The Chin Post

Be the first to comment

Leave a Reply

Your email address will not be published.


*