GOOD NEWS: Nihin Mandalay Kahnak Ah PDF nih Ralbawi Ngan Taktak An Thah Khawh Ve

Nihin June 22, 2021 zing ah Mandalay PDF umnak cu Dalaan ruang ah Ralkap nih cihmih ding in an rak rat hnawh hna. Cu hnu thok cun Mandalay khuapi chung hmunkip ah PDF pasaltha hna le Uico ralhrang karlak kahnak faktuk in a hun chuak.

Zing suimilam 8:00AM hrawng in kahnak aa thok hi a si. “Nihin kahnak ah Ralhrang lei a thi mi an um len. Ralhrang bawi ngan ngai a simi (“စစ်ကြောင်းမှူး), Duh-Bohmu-kyi le a dang Ralhrang (4) cu a tlawmbik ah an nunnak a liam” tiah PDF chungtel pakhat nih Myanmar Now ah a chim hi a si.

Nihin kahnak hi Mandalay PDF an i ralrin lo karlak ah a si. PDF pawl an umnak, Mandalay, Chiangmiahtharsi sang cu Ralhrang nih a tomtom bak in an rak kulh dih, cun an rak luh hnawh hna i an kah hna hi asi. PDF pasaltha pawl zong a rannak in a himnak ah zam an i zuam, cu pah in cun heh tiah an kah ve hna. Khuapi chung ah Bomb puahnak, Meithal kahnak lawng tein nihin cu a khat. Khuapi chung ah Ralkap nih Raldohnak Tank tampi in an kah cuahmah hna.

Nihin zaanlei tiang ahcun PDF lei a thi mi an um ve an ti nain fianter nak taktak cu a um rih lo. PDF lei a tlawmbik minung(2) nih an nunnak an pek tiah a tial mi zong an um ve.

Be the first to comment

Leave a Reply

Your email address will not be published.


*