Guwahati Ah Chinmi An Tlaihmi Hna Kong Ah Mizoram Police Nih Hlathlainak An Tuah Lai

Guwahati Ah Chinmi An Tlaihmi Hna Kong Ah Mizoram Police Nih Hlathlainak An Tuah Lai

 

September 12 ah Assam state, Guwahati ah Assam palek nih an tlaih mi Chin mi 26 hna kong he pehtlaihin Mizoram palek nih tha tein hlathlainak an tuah lai tiah theih a si.

 

Mah an tlaih mi hna hi Assam palek nih an chim ningah India mi le sa si nak document lem hman in Delhi ah Bible siangin kai a tim mi an si tiah an chim.

 

Hi hna kong he pehtlaihin Mizoram Police, IGP (headquarters), John Neihlaia (IPS) nih; an tlaih mi hna le an ca an i put mi kong ah Assam palek sin ah phungning tein ca kan kuat cang hna. Mah lawngah upadi ningin rian kan tuan khawh lai tiah PTI news sin ah a chim.

 

Chin mi an tlaih mi hna hi Assam palek nih thawng an theih ningin Guwahati, Muana run an i thumhnak ah an tlaih mi hna a si i, nu 10, pa 16 an si tiah theih a si.

 

 

The chin post

Be the first to comment

Leave a Reply

Your email address will not be published.


*