Hakha Thawngpang Update Thar Bak : Thawngpang Tha Lawlaw , Thawngpang Ngeih Nuam Taktak

A Ropui kho tuk ee, Hakha Mino hna upat awk tlak taktak bak an si Fimthiamnak cawn caan asi lio te ah Ram le Miphun caah tiah an caan sunglawi cu Mipi dirkamh nakin Ralhrang an doh i June 2 zong ah Hakha sianginn kai mi an um lo!June 2 2021 June 2, Hakha sianginn hna ah sianginn kai mi siangakchia an um lo, tiah kan theih.

“Hakha BEHS No. 1, No. 2, No. 3 le No. 4 sianginn hna ah June 1 he June 2 he sianginn kai mi siangakchia kan hmu hna lo. Sianginn kutka hrimhrim ai hong hna lo,” tiah khuami hna nih The Hakha Times ah an chim. June 1 ah sianginn kai mi siangakchia hi Myanmar rampum huap in zatuak 10% lawng an si, tiah DVB nih a langhter. Source: The Hakha Times (DVB)

thawngpang dang : Ralkap Thawngpang Petu Dalaan (2) An Thah Hna

Kalaymyo, Tharsi Ah Ralkap Thawngpang Petu Dalaan (2) An Thah Hna . Nizaan Ralkap le Kalay-PDF a i kahnak, Tharsi khua ah Ralkap thawngpang petu, Dalaan tiah zumh mi minung pahnih hna cu Namte sawhnak hliamhma he an inn chung ah an ruak in an hmuh hna tiah theih asi.

Tharsi khua ahhin Dalaan tiah minthang bak mi minung(3) an um, an pathum ning in thah an timh hna nain pakhat cu a zam khawh manh caah a taang mi pahnih tu an thah hna hi asi. Atu an thah mi hna cu Ko Phua Kyi le Ye Win an si tiah an chim.

Nizaan ah khan Tharsi khua ah Kawl ralkap le Kalay-PDF karlak kahnak fak ngai in a chuak. Kahnak a chuah ding ah Tharsi khua mi (8) cu ralkap nih an tlaih hna. Nizaan mi tlaihnak an tuah ah hin Ko Ye Win timi nih hin ralkap pawl cu a zulh hna, an umnak pawl a chimh hna ti asi.

Nihin zing suimilam 7am hrawng ah Ye Win le Phuaci cu an ruak in an hmuh hna, an mah inn chung cia veve ah Namte in an rak sawh hna hi asi. Zeitik sat ahdah thah an ton timi an thei lo, a si nain an ruak tu cu nihin zing lawng ah an hmuh veve hna hi asi.

Tharsi khua ah hin Dalaan minthang taktak pathum an um, pahnih cu an thah cang hna i pakhat a zam mi zong hi sau a luat kho lai zumh a si lo.

Be the first to comment

Leave a Reply

Your email address will not be published.


*