Hakha Thonginn in Minung 37 nih Luatnak an Hmu

Hakha Thonginn in Minung 37 nih Luatnak an Hmu
———–
Nihin (June 30) ah Hakha palik thonginn in minung 37 nih luatnak an hmu, tiah thawng kan theih. Nihin a luatmi pawl hi SAC nih pohma no. 505 (a) in taza an cuaimi hna an si. A luatmi minung 37 chung ah minung 9 hi nu an si i, a dang minung 28 hi pa an si.

Hakha thonginn ah minung 65 hrawng an rak hren hna i, nihin ah an thlah lomi hna minung 28 an taang rih. Kalay thonginn ah an kuatmi hna minung 6 zong thlah an si rih lo. Nihin ah Myanmar rampi huap in SAC nih tongtla 2,342 luatnak a pek hna. The Chin Journal, June 30, Hakha #Hmanthlak: Hakha palik thonginn in a chuakmi pawl chungkhar nih an hngah hna lio. (June 30)

thawngpang dang relchap : Chin National Army: Chinram Le Miphun Caah Ngaihchih Nak Ka Ngei Ballo

Kan Chinram le kan Chin miphun caah kaa pekchanh nak hi zeitik hmanh ah ngaihchih nak le i chirnak kan ngei ballo. Kei cu Chinram caah le Chin miphun caah ti-rawl hmanh tha tein ei caan ngeih hlah hmanh ning, zaan ah ihnak caan ngeihlo in ka um caan hi a tamtuk hringhran ko cang, asinain kan inntuar nak vialte hna hi kai uangthlar tuk ko.

Fimnak cataang sangpi a cawngmi hna le Degree sangdang a la mi hna nih Kan Chinram le Chin miphun caah zeihmanh pekchanh duhnak le tuanduh nak an ngeih lo mi nak in cun cataang ngeilo ka si ko zongah rawltam tihal le zaan itlo in Chinram le Chin miphun caah ka inntuar nak hi a sunglawi deuh i a thahnem deuh tuk ko ka ti.

Harsatnak ka ton lio caah ah voikhat tehmanh ka mitthli a tla sual ballo, asinain Chinram le Chin miphun i ahmai lei khuacaan ka hei cuan tikah thinphang in ka um zungzal….. Ka nunnak a umchung vialte le ka thaw ka chuah chung vialte poh hi cu Chinram le Chin miphun caah ka nung zungzal ko lai.

Chin ralkap ka sinak hi Chin miphun le Chinram caah ruahchannak a pe tu si dingin kai zuam zungzal ko lai. Chin National Army Diary.

Be the first to comment

Leave a Reply

Your email address will not be published.


*