Harnak kan ton liau canah hin Pathian hi zeitin dah a um timi biatlangin Thawngțha i hrawm hna usih

Kan Pathian cawlcangh ning le azia hi theih thiam hi a har hringhran ko. Mi zeimaw ca le bangah cun theihthiam a har chin chin.

Ch.Stanly te chung cu Pathian aw ngaiin kum 15 chung UAE ah zinan zuarin khua an sa nain zeihmanh an hlihphuah in an nunning sining a țhangcho kho hlei lo. An inpa le chung tu cu an rum tuk le USA ah an pem diam cang.

Ch. Stanly te cu zanchiar chungkhar thlacam nak an tuah. Mi sifak hna cungah dawtnak an langh ter ih an bawmh chanh tawn hna. Cu vialte thil țha an tuah mi cu an caah zeithlawchuah hmanh an hmu țung lo. An sifah ningin an si fak peng tikah Stanly cu mi caah a nun le Bawipa biabang khua asak mi vialte a ruah tikah ai chir pah lehlam cang.

Harnak hna nih an ka zelh , ngaihchiat nak nih ka lungthin an kheh liau can hna ahhin Pathian hi zeitin dah a um? Timi khua a ruat. Cuhnu kum 5 a van rauh țhan hnuah USA ah a va tlawng ta mi a hawipa a rak tlung mi nih cun an inpa hna chung ( Pathian a thei lo tu ) kha an chungkhar ah buainak lawngte a phan. Chungkhar ai remmi zong an um lo. an kek .an i țhen timi thawng cu Stanly cu a chimh.Stanly nih cubia a van theih cun , Pathian cawlcangh ning hna cu Pakhat hnu pakhatin a van i fiang a van theih .

Cuhnu cun, Harnak le ngaihchiat nak kan ton canah Pathian hi dai te um bantuk in lang ko hmanhsehlaw, Pathian hi dai tein a um sawhsawh lo ti cu fiang tuk lehpek in a theih ih ; mi chungkhar cu buainak lawngtein a khat. Cu lakah kan nih chung cu zei tlukin har sa hmanh usihlaw nichiarin kan i zatawk ten ei din ding tirawl kan nei. Kan ei kan ding chungkhar kan i dawt ning, an i lungrual ning , Biakin kal zongah chungkhar nuam tein an kalți , hi pawl a van theih fian hnu cun hitihin bia a chim – kan chungkhar i lungrual nak le i dawt nak hi chawva zeihmanh nih a cawk khawh mi asi loh a ti bak ko.

Zei bantuk harsat nak dah kan ton?
Ai bang / lo ciau hna la loh ti u?
Pathian cu kan auh len ciau ko hna lai ti u? Sihmanhsehlaw Kan au nak ‘Aw’ cu Pathian nih a kan let lo ih dai dup in a um ko ti zong kan ruah can a um fawn lai ti u?
1.A mihna an lungretheih canah a lungre a thei ve ( Isaiah 63.9 )
2.Kan caah khua a khang lai a rel tawn ( Sam 32.8 ) .
Har nak chungah ah kan len liau le kan vah vaih vaih liau can hna ah hin Pathian cu zeitin dah a um ti cu kan i fiang cang ko lo maw ?

Khua arak khan Lai a rak rel tawn mi hna hi A fale kan lung adongh can hna hi an rak si .Sihmanhsehlaw Pathian hi daiten a um naisai lo. Pathian nih hin khua a khang sual bal lo nain a fale tu nih hin kan theithiam tawn lo cu tu cu a rak si.

Kan zapi caah Bawipa nih thlawchuah kan pek piak hram ko seh!
Nan dihlak cungah Pa zangfah nak le vel cu a zungzalin tlung hram ko seh!

Be the first to comment

Leave a Reply

Your email address will not be published.


*