Hi Hngakchia Sem Teih A Nu An Tlaih

Zeitlukin zaangfah ah a si. Hi tluk in angakchia mi bawhte hi anu cu ralkap nih an tlaih. Zoh ah hin zaangfak tuk a si. Ngaih a chia tuk e.

Kan ram sining hi cu poi kho tuk tawn e.  Khatlei ah ralhrang, khatleiin covid-19, ngakchia bawhte nih hin ka nu cu an tlaih ti theih sehlaw zeitlukin dah  alung a hei fah hnga mu.

Tamu Peng Ah SAC Ralkap In Mi 2 An Kap That. Tamu peng ah July 10, zan nazi 9:30 le 10 karlak hrawngah SAC Ralkap in mi 2 an kap that, an lakih tlan suak a thih le nun theih a si lo tiah theih a si.

Tamu khawsung ihsin peng 10 hrawng hla, bike in nazi khuai hrawng feh, Min Tha (မင်းသာတံတား) lilawn ah ralkap in mi 6 khaw lam tlung ding an kap ih mi 2 an kap that.

Pakhat cu a tlansuak ih an kap ciamco, a thih le nun tutiang kan thei lo, midang cu an kai thluh. An kahthah mi 2 ruak la dingin tuisun (July 11) ah an sungte pawl an theihter” tiah tualsung mi pakhat cun a sim.

SAC ralkap pawl ih kah mi 6 hi meithal zianghman an keng lo, kum 20 in 30 kiangkap hrawng an si. SAC Ralkap Le PDF-Kalay Kahawknak Ah SAC Ralkap Mi 17 Hnakih Mal Lo An Thi.

SAC ralkap le People’s Defence Force (Kalay) cu tuizing, Kalaymyo North lam ah an kapaw ih SAC ralkap lam mi 17 hnakih mal lo an thi, PDF-Kalay lam mi 2 an thi tiah PDF-Kalay cun a tarlang. Tuizing (July 15) nazi 10 hrawng, Tinta (တင်သား), Kyauk Phu (ကျောက်ဖူး) le Doe Nwe (ဒိုးနွယ်) khua ah SAC ralkap an lut ih PDF-Kalay thawn an kapaw.

Kahawknak ah hin SAC ralkap lam in mipi kahthah mi 2 an neih thu khal PDF-Kalay cun a tarlang bet. SAC le PDF-Kalay hi na sa zetin an kapaw ih zan nazi 7:30 tiangah na sa zetin an kapaw lai. SAC pawl hi Kyauk Phu kiangkap bukhuar an tum ruangah khaw kiangkap mipi pawl ralring ding khal in PDF-Kalay cun ralrinnak a pe.

Ref. Chinlung Today

Be the first to comment

Leave a Reply

Your email address will not be published.


*