Hitluk Dirhmun A Phak Ding Ka Rak Zum Lo, NUG Cu Thli Lakah A Ummi A Si Caah Ramchung Ral A Tho Kho Lai Lo

Hitluk Dirhmun A Phak Ding Ka Rak Zum Lo, NUG Cu Thli Lakah A Ummi A Si Caah Ramchung Ral A Tho Kho Lai Lo tiah Min Aung Hliang nih China Cozah media pakhat he Interview tuahnak ah a chim. Tutan i Taluk cozah thawngthanhnak pakhat a simi Phoenix TV he tonnak ah Ming Aung Hliang nih nawlngeihnak kan lakmi kongah mipi lei lehrulhnak atu bantukin a fak te lai ti ka rak zum lo tiah a chim.

Phoenix TV nih nawlngeihnak nan lak hnuah mipi lei lehrulhnak a fak chin lengmang. Hi kongah a hlankan in na ruahdamhmi ti bantuk a um el maw tiah a hal i Ming Aung Hliang nih a cunglei bantukin a lehmi a si. “Hei chim ko usihlaw atu bantukin a fak lai tiah ka rak zum lo, an thinlung temtuarnak a um ruangah a si lai cu” tiah Ming Aung Hliang nih Phoenix TV biahalmi cu a leh.

Cu lawng si loin NUG cu phungninglo bu ah kan thanh cang. NUG cu thli lak lawngah a ummi a si caah ramchung ral a tho ding dirhmun pakhat hmanh a um lo tiah Phoenix TV he tonnak ah a chim. Credit: The Chin Post

Be the first to comment

Leave a Reply

Your email address will not be published.


*