Hlaing Thar Yar peng ah Saikal a ngei mi in hna cazin in khat hnu in khat lut in an lak

Hlaing Thar Yar peng ah Saikal a ngei mi in hna cazin in khat hnu in khat lut in an lak

 

Yangon ramkulh Hlaing Thar Yar peng ah Saikal a ngei mi in hna cu rallokap nih pek mi Community phu hna nih in khat hnu inn khat lut in cazin an lak tiah khuami pakhat nih a chim.

 

Peng chung ah cheukhat lam hna ah a cung lei nih nawl pek mi si ti in sang le veng upa, Lam bawi ban tuk in an i um ter i inn khat hnu inn khat ah lut in cazin an lak zei ruang ah Saikal cazin an lak ti hi kan thei kho rih lo tiah an chim.

 

Khuami pakhat nih “Nan inn cio i um mi Saikal hi nan mah ngeih mi a si lo, Saikal License a um ah cun a um tiah, aum lo ah cun um lo ti in forms a kan phih ter,Saikal le a ngei tu minung cu hman a kan thlak ter. Mipi hna zong kan mah inn cio ah kan um ko nain thong tla kan lo cang ” tiah a chim.

 

Hlaing Thar Yar peng chung ah rallokap hna nih Saikal a rak i cit mi hna cu chek nak le kawl nak tu le tu te an tuah tiah kan theih.

 

Thawngdang=Papun pengkhat ah rallokap le KNU nihnih chung ah kahdoh nak voi 11 aum

 

Karen ramkulh Papun pengkhat (Muthaw pengkhat) Butu peng Tumui Htar hmunhma ah KNU le rallokap hna cu nihnih chung ah voi 11 kah doh nak a um tiah August 27 zinglei ah KNU nih thawng an thanh.

 

KNU Brigade (5) nih runven nak hmun a si mi Tumui Htar hmunhma Khawpuh khuakawmh le Buade khuakawmh chung ah rak lut in a cawlcang mi rallokap hna le KNU hna cu August 25 in August 26 tiang ah kahdoh nak voi 11 tiang a um.

 

Hi kah doh nak ah hin rallokap minung 15 an thi i minung 11 an hliam tiah theih asi.

 

August 1 ni thok in rallokap hna cu KNU Brigade (5)hmunhma chung ah an cawlcang chin i mah leng ah hriamnam hna an luh pi caah kahdoh nak cu a fak chin leng mang tiah KNLA Brigade (5) chim nak nawl ngei tu Duh – Bohmukyi Saw Ka Lay Do nih a chim.

 

 

The Chin Post

Be the first to comment

Leave a Reply

Your email address will not be published.


*