Hnarno A Tam Ko : Mindat Ngakchia Ralkap Tih Ruang Ah Ram taang Ah A Zam

Mindat khuami, Nu le ngakchia tete ralkap tih ruang ah ram taang ah an zamnak hmanthlak cu celh awk a ttha hrim lo. Faktuk in Min Aung Hliang hruai mi Ralhrang nih Midat khuapi le mipi an doh hna ruang ah minung 2000 hrawng nih khuapi an zam tak i ramtaang ah an i thup hna ti asi.

A poi nak cu Nu le ngakchia tampi an i tel. Riahnak reprai, ihnak reprai a um lo. Cu pin ah eidin tirawl an ngei lo ti asi. Atu ah hin a rannak in Sii-ai thlopnak le eidin ti rawl an herh ngai ngai ti asi.

Ihnak, riahnak reprai a um lo caah nilin an tuar, ruahpi fak an tuar, chunzaan tha tein it thiam lo in Ngakchia tete zong an um hna. Nutar putar hna tiang in thinkung hram, Lungpang hram le hmunchia ah an i thup hna ti asi.

Nihin tiang Min Aung Hliang ralhrang phu nih khuapi chung ah a um mi zong hramhram in an luh hnawh hna, inn an baoh piak hna, an inn lo an hrawh piak hna i tuksum in an chiah rih hna ti a si fawn. Mindat caah biatak tein thlacam uhsih law, a si khawhnak lam kip in bomhnak zong tawlrel piak cio hram ko hna usih. Vom

Thawngpang dang : Benjamin Sum le Summer hna i bawmin ralzaam caah sing 60 an hlut

Benjamin Sum le Summer hna i bawmin ralzaam caah sing 60 an hlut, Benjamin Sum nih YouTube a hla in a hmuhmi le Summer hna i bawmin sing 60 cu Kachin ramkulh,Kayin ramkulh,le Chin ramkulh,i ralzaam hna sinah sing 20 cio then in an hlut.

Thaizing May 18 ahcun Benjamin i Mizo Chin New Lyrics Song cu Ben YouTube Channel in Myanmar Time 7:00 pm in a chuak ding a si. Mah Youtube hla in a hmuhmi tangka hna cu Myanmar mipi caah a herh ningin bawmhchanh than ding in an i tim tiah theih a si. Zalen

Be the first to comment

Leave a Reply

Your email address will not be published.


*