Hngakchia Zohkhenh Tu Nu Le Pa Hna Nih Kan Theih A Herh Tuk Mi Cheukhat In Ka Van Langh Ter

1. Hngakchia cu dawhcah lo / zohdawh tein a um lo mi , le mah nak upa tihzah nak pelte zong a nei lo mi hna cu ,a chungkhar ziaza ai cawn mi asi kho.

2. Na fa cu lihchim a hmang tuk mi asi cun, a chungkhar a lihchim hmang mi nan um ruangah a si kho. Siloah – Thil hmete a tuahsual palh tikah fak taktak in na sik / vuak tawn ruangah sik le vuak țihah lih a chimmi zong asi kho.

3. Na fa cu a ral achia tuk mi a siah cun, a hmet tein arti domh in na domh peng ruangah asi kho. Phundang in van chim ning – Hngakchia hna cu an nun lamtluan ah harsat nak an ton tikah nangmah nih daih ter / khan piak / phisin piak peng hlah. Cu loah cun nu le pa nih nan bomhchanh khawh ti lo hnuah a mah tein a nun lam tluan a zawh kho sual lailo.

4. Na fa cu a puitling tiangin a mah tein a nun lamtluan zawh ning a thiam lo asi ah cun, ka fa asi aipat tiin tongmang lo tiang in na uk ruangah asi kho. Hngakchia tong mang lo tiang ih uk pen mi hna cu an puitlin ih nupi pasal hna an neih, indang hna an chuah hnuin Sal sinak chungin a luat mi bantuk in an i ruat tawn tikah lamțha lei zulh nakin lam țhalo leiah an kal tawn. Curuang ah cun hngakchia zong minung, ruahnak le duhthim nak a nei mi an si ve tikha philh hlah.

5. Na fa cu a puitlin tikah, a mah le a mah Nusal Pasal tiah i zumh nak a nei lo mi asi cun a hngakchiat liau ah Nun cawnpiak nak hnak in sik le velh mi a si deuh ruang ah asi kho.

6. Na facu mi hnahchuah hmang tuk mi asi cun nun na chimh tikah midang he na tahchunh tawn ruangah asi kho.

7. Na fa cu mithin tawi thin bultan tuk mi asi cun, Na hmurka khan biadawh le biatha chuak loin biachia kha lawngte a chuah peng ruangah asi kho.

Bia peh – Nu le pa tampi hna nih hin kan fale an sual tikah a zohkhenh tuhna nu le pa kan mah mawh i chiat duh bak loin kan zohkhenh mi kan fale tuhi mawh kan chiat hna / mah fale bak chiat hmanh aserh mi kan um ko lo mei?
Hi kan ruah ning hi a dik lo tuk mi asi.

Bible zongah hitin a țial si lo mei;
zulh awk a simi lam kha
ngakchia cu cawnpiak law,
a upat tikah mah cucu
a pialtak ti lai lo.
Phungthluk Bia 22.6

Kai lawm.

Be the first to comment

Leave a Reply

Your email address will not be published.


*