I Taksa Kha Enkawl Uluk Rawh – Rebecca Saimawii

Fitness lam thaikawi zuai ang:

‘Mihring fit’ leh ‘mi hrisel’ tih hian in-anna lai nei mah se, a tak takah chuan thil hrang hlak an ni.

‘Mi hrisel’, kan sawi chuan, natna nei lo tihna a kawk ber a.

‘Mihring fit’, kan sawi chuan taksa khawl che vel chak ṭha leh a taka chakna(strength) hmang nasa thei kha a kawk leh a.

A fit poh leh a tlangpuiin natna do turin a taksa a chak ṭha tawk a. Fitness hi hrisel lohna kan tih tamtak laka min vengtu pawimawh tak a ni.

Exercise lak leh Fit hlawkna:

1.I rilru puthmang, i mood a ṭhazawngin a siam ang.
Chemical pakhat ‘Endorphins’ a siamchhuak a, chu chuan hemi ‘rilru hlimna’ hi a pe ang che. Workout ṭhang chuan kan hria ang, midang laka rilru kawi pu hman hi kan ni lo, kan hlimru veng veng ṭhin.

2.Hriselna atan hrim hrim a ṭha a, natna lakah min veng a, upat harna pawh a ni tel thei hial a ni.

3.Taksa inphut mawi tawk neih theihna a ni a. A awmzia chu, thau paihin, tihrawl(muscles) kan neih belh zawk avangin.

4.Ngaihtuahna kawi leh hrisel lo put a har a, rilru hrisel lo chu taksa tan a hrisel lo bawk a.Tin, mut pawh kan mu ṭha nge nge a ni.

5.Ruh tichaktu a ni.

6. Mahni inrintawkna petu a ni a, kan hmel puthmang pawh a ṭhazawngin a thlak danglam thei.

7.Exercise lak hian Atrophy (muscle sawngte, exercise lak loh/lak khat lutuk avang) lakah min veng a. Hypertrophy ( tissue leh muscles neih belhna)-ah min hruailut a, ‘mihring fit-ah’ min chantir a ni.

8. Sek i lo hlau anih pawhin- sektur hian i beih fe a ngai, mi thatchhe tan a sek ngawt theih loh.

9. Piang vanduai/a hnu-a vanduai leh hrisel lo, exercise la thei lo an awm tho. Mahse, a tamzawk hi chu kan inthlahdah vanga natna kan insiamchawp a awm bawk.

La ti ngai miah lo/ti ṭhin chawl leh i lo nih pawhin, vawi leh khatah ti chiam lovin;
Zing walk-te, zawite-a tlante, awmhmuna insawizawi aṭangte-a lo ṭanin, ei leh intur thlang thiam la.
Vawi leh khata Fitness hi neih nghal theih a ni lo a, tei-rei ngai chi a ni kan tih ṭhin kha.

In ṭhian,
Rebecca.

Be the first to comment

Leave a Reply

Your email address will not be published.


*