India Hngachianute pakhat nih PM Modi sin ah An Cacawnnak kong Video in a Chimh Uar A Um Kho Taktak (+Video)

**EDS: IMAGE FROM A YOUTUBE VIDEO POSTED BY @narendramodi ON WEDNESDAY, APRIL 14, 2021** New Delhi: Prime Minister Narendra Modi addresses the Association of Indian Universities' 95th annual meet and National Seminar of Vice-Chancellors, via video conferencing, in New Delhi, Wednesday, April 14, 2021. (PTI Photo)(PTI04_14_2021_000021B)

Cutluk ngakchia nute uar a va um khawh cu. India ram Jammu & Kashmir hngakchia kum 6 nute nih India Prime Minister Narendra Modi sin ah online in cacawn a harning video in a chimmi a kuat. A cakuat cu;

Pu Modi….
Kum 6 hngakchia nute ka si. Zoom in ca kan cawn ning kan chimh lai. Keimah bantuk hngakchia tete hna hi kan saya te nih cacawn ding an kan pek mi a tamtuk. Pi le pu le hna, mah zatzat ca hi cu kanmah nak upa deuh pawl cawn ding phun a si.

Zingka suimilam 10 in zanlei suimilam 2 tiang ka cawn peng a hau. English, Math, EVS le Urdu, computer tiang ka cawn dih. Mah tluk tammi ca hi cu tang 7, 8 le tang 10 pawl cawn ding phun a si.
Zei caahdah kanmah bantuk hngakchia tete hi mahtluk tam cacawn ding hi an kan pek tawn Pu Modi. Zeitindah kan ti hnga?

J&K Lt.Governor nih Mah thawngpang hi a theih le cangka in an state chung cacawnnak an kalpi ning cu zohthan dingin hma a lakcolh. “Hngakchia duhnung tuk mi a si. Education Minister sinah hngakchia deuh pawl cacawn mi cu tlawmter deuh dingin ka ti colh cang” tiah a chim. thechinpost

CLICK VIDEO

thawngpang dang : SAC ralkap nih Hakha in tlaihkhih mi minung 183 chung ah 90 hrawng hren rih, pahnih nunnak a liam
==============================
SAC phu nih nawlngeihnak a laak hnu 2021 February 1 in nihin tiang ah Hakha in minung 183 an tlaih cang hna i minung 90 hrawng cu thlah an si rih lo, cu hna lak ah pahnih cu an thi, tiah kan theih.

“Kanmah nih kan zulhdawi khawhtawk le kan khawmhsuat khawhtawk ah nihin tiang tlaihkhih mi hi minung 183 an si. Minung 92 hi an hren rih hna i cu hna lak ah pahnih an thi. Kan hngalhlo kar in an thlah mi zong an um kho ko. Cun, Hakha Palek Sakhaan le Rungtlang Ralkap umnak 266 in hmun dang, khua dang ah an thial hna maw thial hna lo tu cu kan hngal kho lo. Hakha ah an hren ko hna lai dah,” tiah CHRO in tuanvo ngeitu upa pakhat nih The Hakha Times ah a chim.

SAC phu nih Myanmar ramchung ah Chinmi an tlaih mi hna hi May 31 tiang ah 380 an si i, cu chung ah Hakha in minung 183 an si. 183 chung ah minung 92 (a thi mi hna he) an taang rih i an thlah than cang mi hna hi minung 91 a si cang. Hi chung ah Pu Tler Ling (Hakha) le Pu Khamh Bawi Lian (Thangzang) cu an hrem hna ning a fah ca ah Kalaymyo lampi ah an thi i nihin tiang an ruak hmuh khawh an si thai lo. The Hakha Times

Be the first to comment

Leave a Reply

Your email address will not be published.


*