Japan Nih Ralhraang Thimi Ambassador An Cohlaang Duh Hna Lo

Japan Nih Ralhraang Thimi Ambassador An Cohlaang Duh Hna Lo

Japan ram Tokyo khua Myanmar Embassy zung ah ambassador rianttuan tu pa 2 hna cu Ralhraang uknak tang ah rian kan ttuan kho lo tiin Civil Disobedience Movement (CDM) ah an i tel ve, CDM a tuah tu Embassy zung rianttuan tu pahnih hna zaka ah ralhraang nih minung pahnih an khanh hna nain Japan nih an ram luhnak Visa an pe duh hna lo.

Hi minung pahnih hna hi kan ram luhnak Visa kan pek hna ah cun rakhraang pawl cohlaan bantuk ah a cang sual lai tiah Japan ram Foreign Department lei in ttuanvo nei tu pakhat nih a chim.

CDM tuah tu taanzung vuantthan pahnih hna hi a luan ciami March ni 15 ah khan Min Aung Hlaing te phu nih rian in an rak phuah hnanak ca an rak chuah cang.

A si nain Japan cozah tu nih cun an mah le an range te ah a cohlaan peng ko hna i Rakhraang nih mithar an thimmi hna tu an ram luhnak Visa an pe duh hna lo, mah ka zawn te ah cun Japan ram thil tuahmi hi uar a um kho tak tak, British ram tu nih cun ralhraang nih U Kyaw Swar Min ai awh mithar an thimmi an cohlaan piak hna.

A luan ciami March ni 6, kum 2021 ah khan Tokyo khua Myanmar Embassy zungah rianttuan tu U Aung Soe Moe cu a mah lungtho tein CDM a rak tuah, cu hnu tlawmpaal ah a dang pakhat zong a tuah ve nain a min an langhter lo.

Myanmar ram nih Embassy zung a chiah khawhnak ram kip in zung rianttuan tu minung 20 leng CDM an tuah cang.

UN Special Envoy caah Kawlram aiawh tu ding ah hin UN lei nih U Kyaw Moe Htun maw an cohlaan lai ralhraang lei thimmi dah timi hi Japan zong nih a hngah bak vemi si.

Thawngdang
Tuluk Ralkap Nih MAH Le A Ralhraang Pawl Caah Covid Khamnak Sii 400000 Bak A Bawmh Hna

Uknak chut tu le mipi that tu Min Aung Hlaing hi Tuluk nih cun a rak dawt ngai ngai ko hih, tuni August ni 22, kum 2021 ah khan Tuluk ralkap nih Min Aung Hlaing le a ralhraang pawl sin ah Covid-19 Vaccine 400000 bawmhnak a pekmi cu Air China vanlawng nih a rak phurh i Kawlram ah a rak phan tiah ralhraang pawl nih thawngthanhnak an tuah.

Covid-19 pulrai khamnak sii lawng si loin Bejing khua ah ummi Myanmar ralhraang taanzung lei nih Covid-19 pulrai dohnak caah a herhmi Oxygen Concentrator lung 16, PPE Uniform 240, hmur huhnak Mask 113500, Carrimycin timi sitlang 72000 hna zong an i tel chih.

Air China vanlawng cu tuni August ni 22, kum 2021 zanlei suimilam 6:30PM ah khan Yangon International Airport ah a rak phan i ralhraang pawl caah a rak phurhmi sii le thilri pawl cu Dagon myone ralhraang sizung in Min Aung Hlaing sal pawl le ralhraang kut tang ah ummi ngandam lonak zung lei in Min Aung Hlaing sal pawl nih an cohlaan.

Chin 24seven

Be the first to comment

Leave a Reply

Your email address will not be published.


*