July 12.2021, Wuntho Khua WPDF Nih Thanhca Anchuah

A rammi nehsawh thlanglamh, tlaihkhih  i thongthlak le thatnawnnak ngolhngal loin a tuahtu Uknak Ri SAC ralkap le anmah he riantuantimi pawl paohpaoh cu kan doh, kan kahthah ve cang hna lai tiah Wuntho khua People Defense Force (WPDF) hna nih nihin July ni 14 ah thanhca an chuah ve cang.

Wuntho khua WPDF nih khuaram hmunhma chungah daihnak le zalonnak hnahnawhnak phunkip a tuahtu SAC ralhrang pawl le anmah he neihniam tein riantuanmi siseh, cun ralkap pensen cia pawl, anmah tha a petu paoh cu a herhning in kan thuat hna lai kan thianh thluahmah cang hna lai tiah an ti. Ramkomh Federal ralkap a chuah hlan chung paoh cu mipi venhim in kan ti khawh chung i zuam in kan doh, kan kah cang hna lai tiah zong an chim.

Cucaah, Sagaing ramthen ah hmunram ah motor lam a hmangmi mipi khualtlawngmi paoh nih cun chun caan ah motor thlalang ong bu in mongh ding siseh cun, zan ah mei vanpiak dingin thanhca an chuah.
Zei ruangah dah tiah cun SAC ralkap pawl he minung kan palh sualnak hnga lo caah a si tiah an ti pinah, hi kan tuan dingmi rian hi mipi lei zong nih lungrual te le biatak tein kan tanpi u, kan bawm u tiah an forhfial hna.

| Credit: Chinglobalnews

Be the first to comment

Leave a Reply

Your email address will not be published.


*