Kahdohnak a um hnu ah Senthang Peng khuami cheukhat ramtang ah an zaam

Kahdohnak a um hnu ah Senthang Peng khuami cheukhat ramtang ah an zaam
==============================
Senthang Peng khuami cheukhat cu a luancia zarh hnih hrawng lio kahnak in khuachung ah an um ngam ti lo ca ah ramtang a himnak ah an zaam, tiah kan theih. “Hi kahnak a can hnu in SAC ralkap nih khuachung ah inn bauh in an luut, meithal an laak i zaam cio a si. Tar deuh le mizaw tu cu an zaam kho lo. Atu hi furpi zong a si i, khua zong a sik fawn. Lungrethei ngaingai a si,” tiah Speake Out for Senthang facebook cahmai ah an tial. The Hakha Times

Thawngpang dang relchap : Rallokap Ceilak KNDF Nih A Thuat Hna I Minung Ceilak An Thah Hna

June 5, 2021 ah Karenni mipi venghimtu phu nih Kawl Ralkap (20) leng kan thah hna lawng si loin an hriamnam tampi kan chuh hna tiah cathanh an chuah. Kayah ramkulh raldohnak ah KNDF nih Min Aung Hliang hruai mi Ralhrang (20) leng an thah hna hi a si i an mah KNDF lei in minung pakhat nih ram caah a nunnak a pek ve tiah an cathanh mi ahcun an langhter.

Kayah ramkulh, Demoso khuapi chung ah kahnak fak ngai in a chuah hi asi. Nihin zaanlei suimilam 4:00PM- 9:00PM tiang kahnak a um. Ralhrang lei nih Bomb, Miakpi ti bantuk hriamnam pical tamtuk an hman ti asi. Cu bantuk thiamthiam in Karenni, Moebye khuapi chung zongah KNDF le Ralhrang karlak raldohnak fak ngai in a chuak rih. Nihin raldohnak lawng ah KNDF nih ralhrang lei (20) an thah hna. Bomb le Miakpi a tamtuk in an kah caah kaphnih a thi mi le hliamtuar mi felfai ngai in langhter awk a tha rih lo ti a si.

Be the first to comment

Leave a Reply

Your email address will not be published.


*