Kahdohnak Kongah CNF/A Dirhmun A Fiang Taktak Cang

CNA hi timh cia tein an um cang. Kan miphun hriamtlai le kan miphun a kan chanchuah tu ding CNA hi a tu ahhin ready tein an um cang. Timh cia tein an um cang. An mah zong nih ready kan si cang tiah an chim lengmang mi kha nan theih ko lai. Cu an chimmi nan zumh khawh lo hmanh ah kan hnu lei ah NUG he min an thut khan cun fian pah ding a si cang ko.

Tlangcung miphun hriamtlai hna lak ah CNA cu NUG sinah min a thu hmasa bik an rak si. A tu tiang tlangcung miphun hriamtlai nih NUG sinah min an thu rih lo. Sinain CNA nihcun an thut cang. CNA nih min an thutnak hi Kawl ralkap uknak kan doh ti lai, federal ramkomh kan ser tti lai ti kha min an thutmi a si. A dang min an thut mi a biapi mi tampi a um an ti nain an alnghter rih lo.

CNA nih NUG ah min an thutnak hi ralkap he i phomh ding ah ready kan si cang. Timh cia kan si cang ti kha an langhter duhmi a si. A herh ahcun ral kan tho cang ko lai ti kha an langhter mi a si. Ralkap nih uknak an lak hnu ah CNA thazang hi a karh taktak. Ramdang bamwhnak phaisa siseh minung thazang zong in siseh an thazang a karh taktak tiah theih a si.

Hi bantuk in CNA thazang a karh i a tha tukmi a si. Minung thazang hrimhrim in karh kan herh. A tu ahhin CNA thazang hi an tam taktak cang timi kha nan theih cio ko lai. Cu ruang ah CNA / CNF kan pa le hna zong nihhin Kawl ralkap pawl hi an tih ti hna lo. An raltha tuk cang.

Cu ruang ah NUG zong ah Kawl ralkap doh ti dinh in min an thut ngamnak hi a si. Khat lei ah Dr. Sasa le Dr. Lian Hmung Sakhong vuanci an si ruang zong ah CNF kan pa le hna nih NUG hi kan dirkamh a herh tiah min an thut zong a si kho men. A zei sihmanh ah CNA nih NUG sin ah min an thut mi ralkap doh ti ding kha a si. Hriamnam meithal in ralkap uknak doh ti ding kha a si caah CNA nih kan i ready cang an ti caah a si ko.

Be the first to comment

Leave a Reply

Your email address will not be published.


*