Kalay Ah Kum Tling Lo Hngakchia Minung Pa3 Cu A Ruang Um Lo Bak In An Inn Cia Bak Ah An Tlaih Hna

Kalaymyo ah Ralhrangbu nih Hngakchia 3 le an Pupa an Tlaih
===============================

Kalaymyo ah Ralhrangbu nih Hngakchia 3 le an Pupa an Tlaih Nizaan June 24 zinglei suimilam 8 hrongah ralhrangbu nih Kalaymyo ah a ruang um lo in hngakchia 3 le an pu pakhat an tlaih tiah theih a si. An tlaihmi hna hi Thang Biek Lien (Kum 17), Mang Kim Khoul (Kum 16), Thang Gin Hang (kum 14) le an pu Suon Lam Khai (kum 27) hna an si.

Sianghngakchia an si. Zeiruangah an tlaih kan thei lo. Ralhrangbu mawtaw a rak phanh lio ah an nih tho hmanh an tho rih lo. An ih-nak hmun bak ah an tlaihchihmi a si tiin an hawi pakhat nih a chim. #Zalen Rf: The Chin Post

thawngpang dang : Min Aung Hlaing Khih Mi Suimilam Cu A Kuttang Kum Thum Thla Hlawh Man A Si

SAC Lutlai Min Aung Hlaing suimilaam man cu ralkap pakhat kum 30 hlawh he aa zat.Russia ram, Moscow khualipi ah tuah mi A voi 9nak ram kip himbawmnak meeting ah, uknak chuttu Senior General Min Aung Hlaing nih aa khih mi suimilaam man cu sen ngei lo ralkap pakhat kum 30 hlawh he aa khat.

June 23 ni meeting ah uknak chuttu Senior General Min Aung Hlaing nih aa khih mi Patek Philippe Calatrava suimilaam cu Singapore Dollar 57,200 man a si i Myanmar tangka in sing 686 Kyats (68,600,000) hrawng a si. Sing 686 Kyats cu Myanmar ram ah, sen ngei lo ralkap pakhat nih kum 30 chung a tuan lawng ah a hmuh khawh mi thlahlawh zat a si.

Be the first to comment

Leave a Reply

Your email address will not be published.


*