Kalay in Hakha ah SAC ralkap motor 6 phan, Sagaing lei in motor 16 a kai lio fawn

Kalay in Hakha ah SAC ralkap motor 6 phan, Sagaing lei in motor 16 a kai lio fawn
==============================
June 11 zaan ah Kalay (Waibula lam) in Hakha ah SAC ralkap motor 6 a phan cang i atu June 12 chun ah Sagaing lei in SAC ralkap motor 16 a kai lio, tiah kan theih. “Atulio Thantlang Peng le Hakha Peng kahdohnak ah bawmtu ding in a rak ra mi an si lai, tiah ruah an si ko.

Sangaing lei in aa thawh mi hi 10:30 AM hrawng ah Pale an phan i Kalaymyo lei ah maw an lanh lai, asiloah Gangaw lei in direct Hakha dah an kai lai, ti a fiang lo. June 11 zaan zong ah Kalay in Hakha ah motor 6 a phan cang,” tiah min langhter lo mi pakhat nih The Hakha Times ah a chim. Nizaan naite, Hakha Peng kahdohnak ah SAC ralkap 10 an thi i Thantlang Peng Khualhring tlang kahdohnak zong ah SAC ralkap 17 an thi, tiah CDF nih a thanh. The Hakha Times

thawngpang dang : Ralkap Sin ah Meithal Zuun (1) A La Khotu Cu US Dollar $ 1000 Pek Nan Si Lai

Tulio kan ram buailio ah hin ralkap sinin meithal kuan zuunkhat a la kho tu cu phaisa US $1000 le sunlawihnak ca pek an si lai tiah Human Rights Organization hruaitu Salai Bawi Lian Mang nih cun mipi theihternak a tuah.Salai Bawi lian Mang nih a chimmi cu mi pakhat dirhmun in ralkap ralbawi sinah meithal kuan zuunkhat a la kho tu paoh cu US dollar $ 1000 le sunlawinak caah ramleng Chin ai bawmmi hna le CDF nih cun thawng kan rak in thanh hna.

Midang cio zong rak theihter ve hna ulaw rak share cio uh.Facebook a hmang lomi hna le a tongh thiam ve lomi hna ca zongah khua kip i inn lak zongah ca i tar kho seh law cu a lawmawm tuk hnga.Chinram CDF kut tuarin ralkap tam ngaite an um cang i ralkap lei hliam tuarmi an um ngai cang.

khua kipah CDF cu dirh a si i ralkap pawl caah inn tlunnak dingmi a um ti lo caah nan ralthuam pawl zong zuar ulaw CDM ah lut dih uh. Chin ramchung i ralkap pawl nan ralthuam pawl nan zuar a si le man tha tukin kpn in cawk hna lai CDF pawl rak pe uh tiah an ti.

Mipi dirhmun in ralkap pawl sin i meithal la kho tu cu Salai Bawi Lian Mang sinah theihternak tuah ding a si i meithal kuan lak tam ning zulhin laksawng zong tam khawh a si. Meithal zuunkhat hrangah $1000 a si i US dollar $1999 cu kawlram phaisa cun 1644000 kyats hrawnghrang a si tulio phaisa thlen ning zulhin. A la kho mi paoh nih Salai Bawi Lian Mang sinah theihternak tuah hrimhrim ding a si lai.

Be the first to comment

Leave a Reply

Your email address will not be published.


*