Kalaymyo khuapi Taungphila vengah a ummi Pu Phun Za Thang (Thawng pi pa) cu inn ah a lawi ti loh

Kalaymyo Ah Mitlau An Um
====================
Kalaymyo khuapi Taungphila vengah a ummi Pu Phun Za Thang (Thawng pi pa) cu May 24, zinglei 6 in Sipuaizi Bank ah pensen chuah ah a kal i May 25, zinglei tiangah inn ah a lawi ti lo.
A chungkhar le Khrihfabu lungrethei in an um. A hmumi le amah thawngpang a theimi nan um sual ahcun a tanglei i AG Khrihfabu tuanvo ngeitu phone number ah thawng kan thanh hram u tiah taunvo ngeitu nih thawngthanhnak an tuah. Ph: 09250151379.

thawngpang dang : Breaking News : Tedim Mipi Vengtu Ralkap Cu Zomi Revolutionary Army Nih An Phomh Hna

Chin ramkulh Tedim khuapi i mipi kilvengtu hna cu India le Chin ramri ah raldohnak cawngin(training) umhmun an khuar i May 22 zingah Zomi Army tiah kan theihmi hna Zomi Revolution Army(ZRA) pawl nih cun an kah hna nak kong cu anmah lila nih Myanmar Now ah an chim.

A zaammi lak i mipi kilvengtu pakhat nih cun “Zinglei kan thawh ka hrawng a si. Lam hla nawn khin an van aukhuang i “ZRA kan si” nan himnak ding caah zaam uh tiah an kan auhkhuan hnawh. Cu lila cun meithal a vun puah thluahmah.

Minute 20 an kan kah hnu hrawng khin Zomi holh in an i chawnhbiak len kan theih. Kan thilri zei hmanh kan la manh lo i phone, Camera pinah meithal zun 5 le ting 30 man hrawng thilri an kan lak piak. An lak thlu lomi kan thilri dang zong an hrawh dih cikcek hna.” tiah a ti.

Zomi Army hi India ram Manipur hrambunh ralthuam keng an si i zeiruangah dah an miphunpi Tedim zomi an doh hna i an kah hna timi theih a si rih lo. Anmah lei zong nih ca an chuah rih lo i cachuahmi zong an let rih hna lo. Tthenkhat nih cun Zomi Army cu metei ralthuam tlai an si bangin Myanmar ralkap nih remnak a tuahpi i anmah miphunpi an doh hna hi a si ko lai tiah an ti ve. Credit: Vapualauaw

Be the first to comment

Leave a Reply

Your email address will not be published.


*