Kan Chin ramkulh (Tonzang, Tedim, Falam, Thantlang ah a bik in) ah COVID-19 zawtnak cu a karh thluamah

Dear Riantuanti hawile hna, Kan Chin ramkulh (Tonzang, Tedim, Falam, Thantlang ah a bik in) ah COVID-19 zawtnak cu a karh thluamah, a thi mi zong an um cuahmah cang. Hakha ah COVID-19 zawtnak zong a um lai lo tiah tikhawh a si lo. Hakha khua chung mizapi hna kilvennak ding ca ah COVID-19 checknak cu atulio uktu hna nih Ngandamnak lei riantuantu hna hmang in mizapi sin checknak tuah an duh i, HCMF zong nih checknak tuah cu a tha tuk mi a si.

A herh mi zong bawmh an kan hal ahcun a si khawh chung bawmh si ko seh tiah lungtlinnak kan ngei. Cucaah tuzarh chung ah COVID-19 zawtnak checknak cu a tanglei bantuk in a si lai :– June 22, 23 … Carson Hall , zing sml.10:00 – chun sml.1:00 tiang- June 24, 25… City Hall, zing sml.10:00 – chun sml.1:00 tiang # Ralkap lei siibawi/nurse hna nih an check lai lo. Civil lei siibawi/nurse hna nih an check lai. Cucaah Pastor hna nih mahle Khrihfabu cio member hna sin thawng nan thanh cio nakhnga thawng kan thanh hna. Rev. Dr. S. Lian Hup Ling HCMF Secretary

thawngpang dang : A Thiang Mi Raldohnak!
====================
Kan Chinland dothlennak tuanbia lak ah atu tlukin mipi kan tanrual le kan lung ai rual hi aum rih lo ti uh sihlaw ka palh lem lai lo. Chin Miphun zaran nih mah chungkhar khap phak tawk le tai i reh cio in a lamkip in teltum le tan rak lak cio asi. A phu tuk hringhran ko, kan tai i reh cio ko uh si.

Pathian nih Israel Miphun cu a kamh piak mi hna ram an tinco khawhnak ding le an kalnak lamthluan kip ah ral an dohnak ah a dirkamh hna bantukin kan nih Chin Miphun zong Pathian nih thluachuah a kan pek mi Chinland le Chin Miphun caah ral kan doh mi cungah Bawipa nih a kan dirpi ve ko lai. A thiang mi ral dohnak asi ko tiah ka hmuh ning si.

Zumtu thlarau minung nu le pa unau vialte hna atu caan hi na ram le na Miphun caah ral a do cuahmah mi pawl le thih lohnak hliam a tuar mi, ralsa tih ah vansang au mi hna caah nun hrawmh caan asi. Dawtnak langhter caan asi. Pathian a zum mi fa kan si ko ahcun Siaherhnak ngan taktak kan ngeih ding le zumtu fa kan sinak a tak in kan langhter caan zong asi.A thurhnawm mi si loh, a thiang mi ral dohnak asi ko.

Atu zong CNF, le US leiin kan pa le nih Vanlawng kahnak meithal kong an vun au pi atha ka ti tuk. MAH ralkap nih kan Chin ralkap biatak thlakin phomh a timh cang hna. Hi bantuk lio ahhin i peih cio ding asi. Mah chungkhar caah a um mi hnihkhat kha khomh suat in caan tawite chung cu tai vun i reh ta i Nihin kan ton mi kan Miphun caah vun i peih caan bak asi ko. Credit: Thawng Bawi Zathang

Be the first to comment

Leave a Reply

Your email address will not be published.


*