Kan In Lawmhpi Tuk : Blessing Nih Russian Ram, Moscow University in Doctor of Medicine (MD) A Kan Laak Piak

Ka lung aa lawm
**************
Kalemyoh RTC hmai i “The Church” biakinn ah caan saupi chung pastor a rak ṭuanmi, atu US Falam Khrihfabu pakhat ah pastor a ṭuan liomi keimah ka hawi pa Rev. Dr. Khin Maung(Kum Thar) fanu Blessing cu nihin 24- 6- 2021 ah Russia ram, Moscow University in Doctor Of Medicine(MD) a laak tiin kan theih.

A pa he kan i hmuh ti lonak le kan i chawn ti lonak kum 20 a reng ti lai lo. Ruah lo piin kan hnu zarhte ni kha a rak ka chawnh. Ka mangah lam kan leng ṭi i, ka lung retheihnak kum 20 a si cang na ka ti caah khua a dei rih lo nain ka rak in chawnh a ka ti. Saupi kan i chawn. Thla hna a ka campiak. Ka nau deuh a si nain, kawi fa komh bakin aa kawmmi kan si. Congratulation Blessing!

Mi tam deuh hnatlaknak in biakhiah; Laimi nih mi tam deuh hnatlaknak in bia kan khiah tawnmi hi cu biatak ngaingai kan kheng kho tuk theng rua lo tiah, a luan cia kum 10 lio hrawnghrang ah ka rak ti len tawn. Cuticun atu tiang zong ka ruah ko rih. Zeicadah tiah, mi tam deuh hnatlaknak bakin Bawi Jesuh hmanh an rak thah sikaw, ka ti ko. Online chung hoi hna hin cun mi tam deuh hnatlaknak in zei ngaingai kan chuahpi kho bal lai lo dah.

Naite taktak ah Tiddim Evangelist pakhat(a min zong ka theih ko)nih mi tam deuh hnatlaknak in timi hi cu mirang caah a hmaan bak nain, Laimi caah cun a dik kho lo a timi online chungah ka hmuh ve. Zeicadah tiah, mirang cu a fimmi an tam deuh khe i, Laimi tu cu a fim timi kan tlawm deuh tuk ve tawn caah ‘’mi tlawm deuh hnatlaknak in’’ ti khi siseh law, thil dik le thil hmaan kan khen deuh lai a ti ve. A chim lio cu capo a lo ngai i, mi zong an ni len ve. Nain, a taktak ahcun a si taktak mi a si ko. Credit: Perhkalh Thawng

Be the first to comment

Leave a Reply

Your email address will not be published.


*