Kan Miphun Hawi Lalramsang Cu Kawlram Le India Ramri Ah Vom Lian Taktak He An I Sual I

Lawngtlai district chung Kawlram ramri pawngah a um mi Sabualtlang khua Lalramsanga, kum 37 cu Vom nih a seh caah a taksa hmun tampi ah hliamhma a pu. Lalramsanga le a hawile 4 hi an lo kal nak lam ah Vom nih voikhat pi in a rak zuan hnawh i Laramsanga cu a tlik manh lo caah a kut, a hmai le a lu ah a seh. Cakeh lei kut a kiak pin ah Orh lei kutcang 3 a kiak. A nunnak caah phan a si lo. Lawngtlai LCMC siizungah zohkhenh lio a si. The Chin Post

thawngpang dang relchap : Breaking News : Kawl ralkap nih Vanlong in bomb a thlak ruang ah KIA hriamtlai a thimi an um (Update)

Kawl ralkap nih Vanlong in bomb a thlak ruang ah KIA hriamtlai a thimi an um. Kachin ramkulh Tanyan myone Tazu khua ah nizan June 2,2021 zanlei sml 2:00 hrawng ah khan Kawl ralkap nih Vanlong in KIA umnak bomb a thlak caah KIA lei in minung pakhat a thi i pahnih hliam a tuar tiah khuami sin in kan theih.

Kawl ralkap nih Vanlong bomb voihnih a hun thlak caah KIA pakhat a thi i pahnih hliam an tuar. Hliamtuar mi pahnih cu sizung ah kalpi colh an si tiah khuami pakhat nih The 74 Media sinah a chim. KIA le Kawl ralkap kar ah nifatin in kahnak a chuak. Ke ralkap cu Kawl ralkap nih an tei ti hna lo ruang ah Vanlong le Miakpi bak in hriamtlai cu an kah cang hna. A tu ahcun Kachin ramkulh tam deuh cu KIA uknak tang ah a um cang. Ref: TCS

thawngpang dang kan van telh tthan : Mynmar Ram Mipi Vialte Nih Hi Thil Kan Theih Hnu Long Long Ah Kan Ram Cu Dir Hmun Tha Ah A Phan Kho Lai

Myanmar ram hi cankhat hnu caankhat in uknak tha lo in ralhrang ralkap bu pakhat nih an rak kan uk mi kan si. Kan ram politics hi an mah pumpak thatnak ding caah a hmang mi mibu pakhat an si. Hi bantuk thil a sining a theih tu hruaitu tha zong kan ram ah tam ngai an rak chuak cang. Hi uk nak tha lo a ngeitu ralkap (sit Aa-naa zu) pawl nih ram chung mipi zei an kan rel lo nak a langhnak cu hi ka ah hin fiang tein kan hmuh khawh. Kan ram hruaitu ding ah mipi nih kan duh i vote kan pek i kan thim cu an kan pom piak duh lo. Cu a dik lo mi thimhnak asi tiah a kan ti piak diam ai. Ci tikah i thimhnak kan tuah than lai ai ti ter i rampi nawl nei nak cu an hriamnam hmang in a lak.

A tang lei ah hin kan ram caah hruaitu tha kan ti mi pawl nih kan ram le kan miphun an dawt ruang zeibantuk dirhmuh dah an phanh. Cun ram dawt ruangah zei bantuk lung retheih nak dah an in i, zei tluk in dah kan ram caah lung retheih van san in an um ti hi a tang lei ah hin zoh ti hna uhsi.

1. Genaral Aung San nih cun ram mipi vialte kha a zoh hna i zoh khenh tu a herh bak mi an si a ti caah, mipi cu a khawmh hna i, kan ram mipi humhimtu ding ah ralkap hi a dir pi hna. Kan ram mipi an him nak ding long kha raut i thil a rak tuah tu pakhat asi kha kan theih dih mi asi. Kan ram mi pi pawl hi a dawt tuk nak ah amah ngunnak tiang kan ram pi caah a pek. Genaral Aung San hi a kong lam cu tam deuh nih cun kan theih ko hi ka zumh, amah nih cun kan ram hi a hman mi dinnak he hmai lei ah fong chinh seh ti a rak duh tu pakhat asi.

2. Daw Aung An Suu Kyi nih kan ram le kan miphun an daw tuk ruang ah a dawt tuk mi a chungkhar le acaan a zei zong vialte kal tal in, Myanmar ram mipi kan herh cem mi Demoracy kan hmuh khawhnak ding caah tiin, asining dih lak pek in ka cawlh cang mi asi. A hmanmi Democracy kan hmuh khawh nak ding caah tiin, Myanmar mipi lei tang a chungah a tlung mi thil vialte kan ram mipi nih a herh mi thil kan hmuh khawh nak ding asi ahcun tiin, a chungah a tlung mi thil veilte a ing peng rih ko. Kan ram a dawt tuk nak ah a dawt mi a chungkhar he hmanh nuam tein um lo in, hi ralhrang ralkap nih cawlh cang kho lo in an tuah cuahmah lio ko zong ah kan ram a thatnak ding asi ahcun in a zuam peng mi Myanmar ram mipi kan nu pakhat bak asi.

3. Cu ve bantuk Dr. SASA zong hi kan zoh asi ahcun sii chunhnak i put in, vawlei cung ram kip ah a um kho dir hmun asi ko nain, Myanmar ram pi hi muihnak cung ah a um tha sual lai ti phangin a caan tha vialte a hmang nak a ruang cu Myanmar ram a dawt tuk caah asi. Dr. SaSa nih hin Myanmar ram politics chungah ka lut ah cun an ka tleih khawh i, ka ngunnak tiang an ka lak khawh ti hi a theih hnga lo maw? ti hi bia hal ding a um. Hi thil hi a chungah a tlung kho ti a rak theih tuk mi asi ko. Sihmanhsehlaw kan ram mipi hna a muihnak chungah ralhrang ralkap nih hin an luh pi than sual hna ti a panh tuk ruang ah Myanmar mipi dawt nak lung put hi a colh cang mi asi.

Hi tluk in an sining le an caan zeingzong vialte ka tak in kan ram le kan miphun caah rian an tuan lio ah nang nih zei hmanh theih thiam lo in hruaitu a si mi pawl a cung lei in kan langhter mi hna soisel nak in na caan an rak hmang asi ahcun mihurt tak tak an rak si rih ti nak asi. Kan ram kong hi kan ruat than asi ahcun kum caan sau taktak ralhrang ralkap nih an kan uk lio kong pawl kha tha tein kan ruat than asi ahun miphun thlei dannaknak le miphum dih lak that ding in a kan bawh tu ralkap an si. Cu caah kan ram caah ralhrang ralkap hi an that nak zei hmanh hmuh awk a um lo.

Be the first to comment

Leave a Reply

Your email address will not be published.


*