Kan tlaih mi 4 hna hi thihdan pek i thah ding lawng a taang cang ko: CDF upa pakhat

Kan tlaih mi 4 hna hi thihdan pek i thah ding lawng a taang cang ko: CDF upa pakhat
==============================
SAC ralkap phu sin ah Hakha khuami tlaih mi dihlak thlahpiak ding in kan hal mi an kan tuahpiak lo ca ah kan tlaih ve mi hna 4 hi thihdan pek i thah ding lawng a taang cang ko, tiah CDF hruaitu pakhat nih The Hakha Times ah a chim.

“A fawinak in chim ahcun May 15 ah khan khuami tlaih mi vialte thlahpiak ding in kan hal. Asinain, an thlah hlei hna lo ca ah thihdan pek i thah ding lawng a taang cang ko. Khika a tlaitu hna CDF lei in tuanvo ngeitu kha nawl kan pek cang i amah nih a duhning poh in a tuah cang ko lai,” tiah CDF hruaitu upa pakhat nih The Hakha Times ah a chim.
An tlaih mi hna cu;

1.U Soe Lwin = Police Chief (Ramkulh Traffic Police) 2.U Soe Win Than= Deputy Chief of Police (Ramkulh Traffic Police) 3. Pu Sung Ki =Deputy Chief of Police (Ramkulh Traffic Police) le
4. U Sai Tun = Dalaan hna an si. Hakha ah tlaih mi hna hi May 15 zinglei 8:00 am hlan i nan thlah dih hna lo ahcun atu kan tlaih mi hna hi an nunhimnak kong ah tuanvo kan la lo, tiah CDF nih an rak thanh i May 16, 2:30 pm tiang ah an thlah hlei hna lo i thihdan pek i thah ding lawng a taang, tiah atu bantuk in CDF hruaitu pakhat nih a chim hi a si. The Hakha Times

Be the first to comment

Leave a Reply

Your email address will not be published.


*