Kawi Aung A Thluak Te Hi Cu Mu Phete A Si Ko E : Thilri Zuarnak I An Fir Mi Thilri In Mipi Hna Cu Rallokap Nih Bawmhnak An Pek Hna

Min Aung Hlaing le a nau le pawl hi a ti ttha bak si, Ziah hme an ning zong hi a zah khawh bak hnga lo, mah ruangah hin pei kawl ralkap thluak le an lung put zong hi minung zong an lawh lo nak hi a si cu, zir le phet bak in an khat ko. Demawhsu (ဒီးမော့ဆို) Pyiawngyadana. Thilri Zuarnak I An Fir Mi Thilri In Mipi Hna Cu Rallokap Nih Bawmhnak An Pek Hna. Kaya ramkulh chung inn saknak thilri zuarnak hmun ah an chuhmi hna thilri in khuami hna cu rallokap nih bawmhnak an pek than hna.

Rallokap nih July 4 ah Mya Wa Di cathanh in an langhter mi ,a rawkral mi inn pawl remhthan ding ah an bawmhmi hna thilri cu Demawhsu Pyiawngyadana inn saknak thilri zuarnak dawr i an firmi thilri pawl an si tiah Demawhsu khua cathanhnak nih an langhter.

Kahdohnak ruangah Demawhsu peng chung khuate hna zong ramlak ah ralzaam dirhmun in an um ko rih. Rallokap nih bawmhnak peknak hmun ah a hlam tuding mipi lei in an um lo caah anmah he neihniam mi hna cu thilthuam sawh hrukter in hmanthlak nak an tuah. Cu thilri hna zong cu mawtaw cungah khing in an mah rallokap umnak hmun lei ah an kalpi than tiah Demawhsu GenerationZ nih Facebook ah an langhter.

Cu a rawkmi inn hna cu ralhrang rallokap phu hna le KNDF kar kahdohnak ruangah ralhrang hna nih hriamngan hmang in an kah hna ruang ah biaknak lei inn ngan hna le mipi um nak inn hna cu an rawh nak hi asi. Kahdohnak ruangah mipi sing 1 leng ralzaam dirhmun in an um,inn le lo an rawh dih leng ah an nun humhimnak ding caah thinphang a si tiah Kayinni mipi vengtu phu KNDF nih kahdohnak an ngolh chung nak kong cu June 15 ah cathanh an chuah. #Khit Thit Media. The Chin Post

Be the first to comment

Leave a Reply

Your email address will not be published.


*