Kawl Ram Chung Ah Mah Pum Pak In Ralrang Do Nak A Tuah Mi,A Tam Tam Chin Chin Cang

Alfie bantuk mino tete Ralhrang doh in pum a pemi an tampi cang. Chin State, Sagaing region India le Bangladesh ramri pawl ah kawl ralkap ralhrang hna hi 100 leng thah an si cang.

Ram uknak cu daihnak in doh a ngah ti lo hnu ah hi ti in an nunnak vialte pek in an i pumpek hi a si. Ralkap hna nih mipi lamzawh pawl hram hram in meithal he an kah hnu ah mino tampi Kawlram he aa ramrimi Tuluk, Thailand le India pawl ah an zaam i raldoh traning biatak tein an kai.

Tlangcung mi pawl hi kum tam tuk ralkap a domi an si cang.A bik in Tlang Cung Pawl hi,ral doh leiah cun kawl mi nak in an ral ttha i,thiam zawng an thiam deuh.A tu kawl ralram a vun buai bak bak hin, Tlang cung paral ttha hna cu,ram lak ah an kal i,Raltuk an cawng len tiah theih si.

thawngpang dang relchap : Kan Pu Dr.Lian Hmung Sakhong CawlhCang Ning Hi,Zeimaw Biathli Theih Mi A Ngei Mi A Lo

Upat mi kan pa Dr. Lianhmung Sakhong ai hro ning a tha ko. A tu hi biatak tein cawlcangh an i tim pah cang rua.Hi bantuk in kan hruaitu hna nih an um tik ah hin,Lung Hna A Ngam Tawn.

NUG cozah nih Federal vuanci ah an thimi kan pa Dr. Lian Hmung Sakhong nih hrocernak bia pahnih a Facebook ah a hun post cang. A tha bik kan i ruahchan i a chia bik le a har bik ca zong ah kan in tim fawn. Zei tik hmanh nu kan pil lai lo. Chiandeih bantuk lungput kan ngei tiah ca a hun post.

Tulio Kawlram cu raltuknak a fak ko. Hnunkip ah raltuknak a chuak. Minung tampi an thi. Ralzam tampi an um hna. Sualnak ngei lo mipi tampi an nunnak a liam.A bik in Chin ramkulh zong ah i kahnak a fak. Mindat peng hi a fak bikmi a si. CDF pasal tha minung 13 tluk an nunnak a liam cang. Chinram caah an nunnak an pek cang hna.

Mindat ah ralkap an sual chin lengmang. Khuapi chung ah an duh ning poh in an um. Inn an boh i thil phunkip an fir. Mipi cu ramlak ah tihal rawltam in an um hna.Ruah ahhin thinlung a fak ngai. Kan bochan mi kan pa Dr. Lian Hmung Sakhong a van i hrocer ning a tha ko. A tu hi CNF zong biatak tein mipi theih in cawlcangh i tim hna sehlaw a dawh. Cun, NUG tangah a ummi PDF pawl zong Kawlram khuapi lei ah cawlcangh i tim hna sehlaw NUG nihhin Call tuah deng cang sehlaw a dawh ko.

Kawlrawn lei a ummi Kawl mino tete hna ready an si deuh rih rua hna lo. NUG Vice President nih kan hnu ah khan mipi cu timh cia in um uh timi zong ca a chuah ve. Rawl i khon uh, si ai i chiah uh. Ralrin tein le timh cia tein um cang hna uh tiah ca a chuah ve cang.NUG nih call a tuah bak in tlangcung miphun hriamtlai vialte le Kawl rawn ah a ummi PDF vialte voikhat lo ah ralthawh ding timh cuahmah mi hi a can a nai ko cang timi a fiang.

thawngpang dang : Roman Catholic Nih Kawlram Caah Thlacamnak An Ngei Lai

Roman Catholic Nih Kawlram Caah Thlacamnak An Ngei Lai. Ralhrangbu nih Lwekaw pawng ah a um mi Catholic Biakinn cu meithal ngan he an kah hnuah Catholic hmunpi Vatican City telin vulei ramkip Catholic bu nih Kawlram kong cu an buaipi bik mi a si.

Tuzarh zarhpini ah Filipine le Italy Milan khuapi ah Catholic bu chungtel vialte nih Kawlram ah remdaihnak, democracy le minung i tlukrualnak a umnak caah thlacamnak an tuah lai.
Thlacamnak hi ralhrangbu nih an kah ruangah biakinn chungh a thi mi Catholic bu chungtel pa 4 le ralhrangbu nih uknak a lak hnuah a thi mi Kawlram mipi dihlak caah a si.

Loikaw pawng Kayataryar biakin an luthnawh mi le Demoso St. Joseph Catholic biakinn cu ralhrangbu nih meithal ngan he a kah hnuah Kawlram Roman Catholic lutlai Cardinal Charles Maung Bo nih Pathian biaknak biakinn cu zah ding le international upadi zulh dingin ralhrangbu sinah a rak nawl nain ralhrangbu ih a tu tiang biakinn hna cu zei rello in an kah, an hrawh peng rih caah ramkip Catholic Krihfabu pawl nih atu bantukin ram hruaitu hna theih dingin thlacamnak le chimhrelnak tuah dingah kan i timh mi a si tiah Vatican – Philipine le Italy thawngthanhnak pawl nih an thanh. The Chin Post

Be the first to comment

Leave a Reply

Your email address will not be published.


*