Kawlram Model, Lemcang Pasaltha Cu PDF Ah Training A Dih Ve Cang

Kawlram Model, Lemcang Pasaltha Cu PDF Ah Training A Dih Ve Cang

Kawlram Model zong a si i lemcang zong a ttuan chih mi Actor Hein Htet cu PDF ah training a dih ve cang tiah theih asi. Hein Htet hi Model a si pin ah lemcang zong a ttuan chih mi asi.

Cun a muidawh le pumrua that ruang ah Kawl mipi nih an uar ngai ngai mi, nungak pawl zong nih an rak uar taktak mi asi.

Atu ahcun, Min Aung Hliang nih hramhram in rampi uknak a lak hnu ah, sandah piahnak ah biatak tein aa tel ve.

Sandah piahnak men in Kawl ralhrang hi tei awk an tha ti lo, minung ruahnak an keng ti lo, cu caah hriamnam tlaih i an cihmih lo ahcun uknak tlaih peng an duh timi ruah nak he Ralkap pawl doh ding in le cihmih ding in ramri ah a kal ve i raldoh training a kai ve.

Atu ahcun training zong a dih cang pin ah PDF ah chungtel puitling sinak in meithal he a um ve cang ti asi.

“Minung ruahnak a keng ti lomi, minung thinlung a ngei lomi cu Sandah piahnak menmen in tei awk an tha ti lo. Ram mipi nih an kan fih timi an theih ko nain ningzah ruat loin uknak tlaih peng an tim.

Cu caah minung thinlung a ngei lomi cu hriamnam lawlaw in cihmih lo ahcun kan ram hmailei caah tihnung a si” timi ruahnak in PDF ah meithal tlaih a si cang tiah an langhter hi asi.

Be the first to comment

Leave a Reply

Your email address will not be published.


*