Kawlram Nih Ngeihthlem In An Phomh Hna Kawl Thluak Hi Cu Aw

Thai Ram Lei Ah Kuan Ngan A Tla, Thai Ralkap Pakhat Hma A Pu.Tuchun June 2 suimilam 12 hrawngah Maesot ramri Thai lei kam ah a ummi ralzaam umhmun pakhat ah ralhrangbu kuan ngan pakhat a puah ruangah ralzaam pahnih le Thai ralkap pakhat hma an pu.

Karen ram Myawady thlanglei ah DKBA bu chuak Bokyok Kyaw Tet le PDF fonh mi le ralhrangbu hna i kahnak fak ngai in a chuak. Mah i kahnak ah ralhrangbu lei nih an kah mi a si. Thai ram lei ralzaam pawl an um nakhmun ah a tla, Thai ralkap pakhat le ralzaam pahnih hma an pu.

Bo Kyaw Tet te hi Toungyin tiva leikam ah aum mi an si caah ralhrangbu nih an kah mi kuan a si a fiang ko tiah ralzaam hna a tawlreltu AAC riantuan Ko Ye Min nih a chim.Atu ah Thai ram lei ah a zaam mi ralzaam thonghra leng cu Thai cozah le mipi nih an zohkhenh tiah theih a si.

Thai ram lei kuanngan a tlak hi a tu in a voi 2 nak a si. Kan hnulei ah khan Mae Hong Song ramri ah a tlak caah Thai cozah nih ralrinnak a rak pek bal cang tiah theih a si. Ref; mizzima

thawngpang dang relchap : Ralkap Thawngpang Petu Dalaan (2) An Thah Hna

Kalaymyo, Tharsi Ah Ralkap Thawngpang Petu Dalaan (2) An Thah Hna . Nizaan Ralkap le Kalay-PDF a i kahnak, Tharsi khua ah Ralkap thawngpang petu, Dalaan tiah zumh mi minung pahnih hna cu Namte sawhnak hliamhma he an inn chung ah an ruak in an hmuh hna tiah theih asi.

Tharsi khua ahhin Dalaan tiah minthang bak mi minung(3) an um, an pathum ning in thah an timh hna nain pakhat cu a zam khawh manh caah a taang mi pahnih tu an thah hna hi asi. Atu an thah mi hna cu Ko Phua Kyi le Ye Win an si tiah an chim.

Nizaan ah khan Tharsi khua ah Kawl ralkap le Kalay-PDF karlak kahnak fak ngai in a chuak. Kahnak a chuah ding ah Tharsi khua mi (8) cu ralkap nih an tlaih hna. Nizaan mi tlaihnak an tuah ah hin Ko Ye Win timi nih hin ralkap pawl cu a zulh hna, an umnak pawl a chimh hna ti asi.

Nihin zing suimilam 7am hrawng ah Ye Win le Phuaci cu an ruak in an hmuh hna, an mah inn chung cia veve ah Namte in an rak sawh hna hi asi. Zeitik sat ahdah thah an ton timi an thei lo, a si nain an ruak tu cu nihin zing lawng ah an hmuh veve hna hi asi.

Tharsi khua ah hin Dalaan minthang taktak pathum an um, pahnih cu an thah cang hna i pakhat a zam mi zong hi sau a luat kho lai zumh a si lo.

Be the first to comment

Leave a Reply

Your email address will not be published.


*