Khah “HRI TEST TUTE DINHMUN I HRE VE EM?” A Biapi Taktak Hih

A tu kan van chiah mi hi Mizo holh in a si i, Laimi nih cun Mizo holh hi cu a tam u nih cun kan theih dih ko lai caah, “HRI TEST TUTE DINHMUN I HRE VE EM?” timi bia hi tlamtling tein rel khawh rak i zuam cio hna usih.

. An Test mai a ni lova, Sample an la bawk a, hri chauh a ni lo, HIV aṭanga kan ÊK thlengin Test hrang hrang a taka kalpui tu, an tel lova Hospital Run theih loh mai nilo, hri lengah phei chuan kan rinrawl, kan LABORATORY TECHNICIAN te dinhmun dik tak hi hriat sak ila, Support pe leh teh ang u.

ENG ZAT NGE PHE BUAI MEK ? : State Sorkar hnuaiah hian a vaiin post nghet 92 a awm a, chung zingah chuan Post 52 ah chiah a ngheta thawk an awm!! State Sorkar hnuaia Contract a thawk 1 tih loh chu National Health Mission leh MSACS hnuaia Contract a mi 176 thawk mek te an ni. Regular Post 40 hnawhkhah loh a awm mek a, heng thawktute hi Hospital, District Hospital, UPHC, PHC etc ah hlawh tlemte (Fix) pe in Post darh an ni. Contract a thawk zingah hian kum 20 chuang thawk tawh, kum lam Over hial pawh an kat nuk tawh a, an ṭangkai dan en hian an tel lova kal thei tawh si lo hi an dinhmun a lo hniamin an lo khawngaih thlak hle tih a hriat.

ZMC AH RT-PCR KHAWL 2 A FUNCTION LO : North East State ten RT-PCR khawl leh Laboratory kan neih zat tarlan ah khan Mizoram chuan 4 kan neih thu a in tarlang kuau mai a, mahse hri endikna khawl 4 kan nei kan tih chamchi hi 2 chiah kan hmang mek niin sawi a ni a, min barakhaih angreng hle. A dang pahnih hi engvanga hmang lo nge kan nih hetiang hun harsa karah leh nghal in ti maithei a, a chhan min hrilh chu thawktu indaih loh vang a ni!! A khawl chu hman theih reng a nih chu.

ZMC ah hian Lab Technician hi 20 an awm a, Covid hri Test na bikah hian 7 chiah awmin MRU leh VRDL atangin puibawmtu tlem a zawng nen rim taka hna thawkin nitin Sample 1500-2000 an endik ta thin a nih chu!! Hei mai a ni lo, hri kai te Sample lakna ah hian Nurse te kal ve ṭhin mahse Lab Technician te hi Sample la tu ber an ni a, hri lengah hian a thawk rim ber zawngin teh dawn ila, dah hniam chi an ni hauh lo ang. Nitin hna hautak tak mai thawh tur awm lai a, thawktu indaih lohna kan phuhru thei lo a nih chuan zahthlak a tling a, indaih loh vanga kan khawl ṭha neih pahnih ngawt hnathawk lo a kan dah ṭawl reng a nih phei chuan hri leng boruak ah chuan zahthlak a tling hial ang!!

HMALAM HUN – Politician ṭhenkhat te an hmalam hun thlir thiam taka chhe thei tawh lo tur khawpa an in hmakhua thiam laiin an hnathawk tute hmakhua an ngaihsak thiam tawk ṭhin lo hian mi tam tak a ti na fo ṭhin. I zun, i ek, i thisen Exam tu ber te, tun hri leng a, Positive leh Negative min hriattirtu ber, ṭangkai tak rim taka hnathawkte pawh hian an hmakhua an ngaihtuahin an bîng ve mup mup ngeiin a rinawm. Kum 20 chuang thawk tawh, in nghat ve laklawh tawh tan phei chuan beidawn rum rum a awl dawn a, an Senior dan indawt a Regular turin Regular Post 40 lai awm te hi kan dinhmun mek enin hnawhkhah dan a awm lawm ni? RT-PCR khawl 2, thawktu indaih loh vanga ṭawl renga sawi te hi tih nun vut vut a va hun tawh em!!

TLIPNA – Tun lo haw lo se, Sorkar hnathawk theuh theuh pawh hi chawlhkar 2 chhung Office an kai loh pawha mipui tawrh phah lohna a tam a, Zirtirtu sing rualin kum khat dawn School an kal loh pawhin kan buai chiamin a lang hek lo. An tel lova nikhat pawh khaw kilkhawr thlenga mipui kan awm theih lohna hna, Lab Technician te dinhmun hi ngaihtuah sak a, NHM hnuaia thingtlang hmun hla tak taka thawk, thla 2/3 dana hlawh la te thleng hian kan mamawh dan leh an ṭangkai dan en mila an hmakhua hi awhawm zawka siamsak a va ṭha em. David Sailo

Be the first to comment

Leave a Reply

Your email address will not be published.


*