Khrih ah dawtmi u le nau hna kan Bawipa Jesuh Khrih nih cun, “Minung hi rawl lawngin a nung kho lo, sihmanhsehlaw Pathian nih a chimmi bia paoh cu a nunnak a si lai,” tiah a rak ti. ( Mathai 4 : 4 ). Cu bantukin nitin kan nunnak nih hin hnangamnak le lawmhnak taktak a hnuh khawhnak ding caah tiin Pathian bia lawnglawng hi aa nunpi zungzalmi si ko hna u sih ti zong ka duh..

Pathian bia cu;-

Khrih ah dawtmi u le nau hna kan Bawipa Jesuh Khrih nih cun, “Minung hi rawl lawngin a nung kho lo, sihmanhsehlaw Pathian nih a chimmi bia paoh cu a nunnak a si lai,” tiah a rak ti. ( Mathai 4 : 4 ). Cu bantukin nitin kan nunnak nih hin hnangamnak le lawmhnak taktak a hnuh khawhnak ding caah tiin Pathian bia lawnglawng hi aa nunpi zungzalmi si ko hna u sih ti zong ka duh..

Siangpahrang David nih a rak timi cu, “Na bia cu ka ke caah meiinn a si, ka lam ah ceunak a si. Na ka cawnpiaknak a dingmi, ka zulh hna lai, tiah bia kaa kammi kha, ka zulh taktak hna lai,” tiah a rak ti. ( Salm 119 : 105 – 106 ).

Cu bantukin minung kan caah ceunak taktak a simi cu a uahnak a min ah “Pathian Bia” ti a simi Fapa Jesuh lawnglawng kha a si. ( Biathlam 19 : 13 ). Cucaah cun Jesuh zong nih, “Keimah hi vawlei ceunak cu ka si,” tiah a rak ti ve. ( Johan 8 : 12 )..

Cucaah cun dawtmi u le nau hna kannih zong nih hngal zungzal hna u sih ti ka duhmi cu Pathian nih a Fapa Jesuh cu Bawipa le Khrih ah a sermi a si ( Lamkaltu 2 : 36 ) bantukin Siangpahrang Solomon zong nih Phungthluk in a kan cawnpiakmi bia, ka duh tukmi te cu, “Bawipa kha na lung chung dihlak in i bochan law nangmah fimnak kha i rinh hlah.

Na kalnak lam kip ah amah kha hngal law Amah nih na lam kha a tluanter hna lai. Mah mithmuh i a fimmi va si hlah; Bawipa kha tih law that lonak kha mertak ko. Na taksa caah damnak a si lai i na ruh caah si a si lai,” tiah a rak kan cawnpiak. ( Phungthlukbia 3 : 5 – 8 )..

NOTE : Zumtu nu le pa, u le nau, hawikom dawtmi vialte hna hi bia hi kan nunnak ah um zungzal seh ti hi ka duh ko. Cucu lamkaltu Paul nih, “Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw? Kan fial duhmi hna cu hihi a si: lungthin ah i khat u, pakhat le pakhat i daw u, lungrual tein um u law kaa lawmhnak hi tlinter u. Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u. Cun midang duhning kha hmuh thiam i zuam u law nanmah duhnak lawng kha ruat hlah u. Nan lungput cu Khrih nih a rak ngeihmi lungput kha si seh,” tiah a kan timi hi a si. ( Filipi 2 : 1 – 5 ).

A biathiang aa hrawmmi nan dihlak Bawipa Jesuh Khrih vel cu mithiang vialte nan cungah um ko seh. Amen..

Thank You For All;
Johnly Fambawl

Be the first to comment

Leave a Reply

Your email address will not be published.


*