Khualhring tlang Mualkai khua le Tihbual khua karlak CDF/CNA kahdohnak ruangah thil an ton mi

Pray for Mualkai & Tihbual
==================
June 10 i Khualhring tlang Mualkai khua le Tihbual khua karlak CDF/CNA kahdohnak ruangah siseh June 11 i Mualkai khuataw Kuangpi va kahdohnak ruangah siseh Mualkai khuami le Tihbual khuami hna cu khuapi lei le kiangkap khua hna ah an zam hna.

Kiangkap khua pakhat ah a zammi Mualkai khuami hi minung 200 hrawng kan si, lam zong kan zawh ngam lo, ramlak bak in kan ra tiah a zam vemi pakhat nih a chim. A langhlat in kan ti khawhmi zeihmanh a um lo. An caah thlacam piak le thazaang pek tal thahnem cio hna usih.

A tanglei hmanthlak hi kiangkap khua pakhat ah a zammi Mualkai khuami an si. Note: CNF/CNA an i telnak kahdohnak kong poah ahcun an min CNA tiin kan langhter cang lai. Hihi CNF upa hna nih langhter cang dingin an kan chimhmi a si. Kanmah nawl in kan langhtermi a si lo, ti kha careltu nih kan theihpiak hram u. The Chin Post

thawngpang dang : Minta Lumin he Thonginn Chung ah A Um Tti Mipa Japan pa nih Lumin Kong Zapi Theih Lomi A Phuan

Japanese Journalist Yiki Kizazumi nih cun Yangon insein thonginn a um lio ah kawlram lemcanthiam Lu Min he an um tinak kong cu amah biahalnak AP thawngpang theihnak ah a chim i Lu Min cu thonginn chungah a dam tha ko tiah mipi sinah a rak chim. Japanese Journalist Yiki Kizazumi cu kawlram buainak thok ka ah visa in kawlram ah um mi a si.

Kawlram buainak pawl cu an mah Japan thawngpang thanhnak ah a tar pengtu a si. Ralkap nih cun voihnih tleihin an tleih hnuah an mah insein thonginn chungah an khumh. Asinain a hnuah cun Japan cozah nih nawlnak ruangah thonginn in cun an chuah i Japan ah an kuat colh.

Japan a phak hnu zongah kawlram buainak cu fak deuh in an au pi chinchin i kawlram buainak kong ah hin bia hal tu zong an tam tak tak. Cuah cun Japanese Journalist Yuki Kizazumi nih cun insein thonginn chung i ka um lioah cun Director le Actor Lu Min he kan um ti i a dam tha ko kawlram kongkau ah a ruahnak tete hna hi a ka chimh tawn tiah a chim.

Ralkap cawlcangh ning cu zeitik hmanhah a lungtlin lonak kong zong a chim i zeitik hmanhah hnu a tawlh lonak kong zong a chim tiah a chim. Ahleice in a mah nih a tawlrel mi Bochuk Aung San zuk nung mi cu a mah Lu Min tel loin ralkap pawl nih buaipi an timhmi ko cu a lungtling lo lawlaw.

Ralkap nih Bochuck Aung San zuknung cu an tuah hmanhah an mah duh ningin an tuah lai i an dongh ter lai caah a hman lomi tampi a um lai tizongah Lu Min nih cun a chim. Ralkap nih thonginn chung a um kar ah Bochuk Zuknung cu an mah duh ning paoh in an rak tuah sual lai timi cu a thinphang kho tuk. Kei zong zuknung ah cun Japan ralbawi dirhmun bantuk in kai tel ve i ralka kuttangah cun Zuknung kong ceih dingah kai tel hrimhrim lai lo ti zongah a chim.

Lemcanthiam Lu Min cu ralkap uknak si khawhchung in a dolh kalh tu a si peng i ralkap pawl nih cun tleih dingin bia an rak chuah. Cu ruangah Lu Min cu ai thup i a umnak hmun in live a thlah caah ralkap pawl nih cun a umnak an theih caah an rak tleih i lemcanthiam hna lakah an rak tleih hmasa bikmi kha a rak si.

Be the first to comment

Leave a Reply

Your email address will not be published.


*